ইণ্টাৰনেশ্যনেল ডেস্ক,৫ এপ্ৰিল :সম্প্ৰতি পাকিস্তানৰ শেহতীয়া ৰাজনৈতিক পৰিৱেশে সমগ্ৰ বিশ্বতে প্ৰতিক্ৰিয়াৰ সৃষ্টি কৰিছে (Pakistan Political crisis)। ইমৰান খানৰ বিৰুদ্ধে বিৰোধীয়ে অনাস্থা প্ৰস্তাৱ আনিছিল (No-confidence motion against Imran Khan) যদিও অন্তিম মূহুৰ্তত প্ৰধানমন্ত্ৰীয়ে ৰাজনৈতিক খেল খেলিবলৈ সক্ষম হয় । যাৰ বাবে অনাস্থা প্ৰস্তাৱৰ ভোটগ্ৰহণ (No-confidence vote against Pakistan government) অনুষ্ঠিত নহ'ল । কেৱল এয়াই নহয় সংসদ ভংগৰো ঘোষণা কৰিছে প্ৰধানমন্ত্ৰী ইমৰান খানে ।
এনে পৰিস্থিতিত বিৰোধী পক্ষ ক্ষোভিত হোৱা দেখা গৈছে বিৰোধীয়ে এই সিদ্ধান্তৰ বিৰুদ্ধে আদালতৰ কাষ চাপিব বুলিও কৈছে । ইয়াৰ মাজতে পাকিস্তানৰ উচ্চতম ন্যায়ালয়ৰ ন্যায়াধীশৰ গুৰুত্বপূৰ্ণ মন্তব্য । পাকিস্তানৰ মুখ্য ন্যায়াধীশ উমাৰ আতা বান্দিয়ালে কয় যে নেচনেল এচেম্বলীৰ অধ্যক্ষই সংবিধানৰ ৫ নং অনুচ্ছেদৰ উদ্ধৃতি দিলেও অনাস্থা প্ৰস্তাৱ নাকচ কৰিব নোৱাৰে । পাকিস্তানৰ উচ্চতম ন্যায়ালয়ে সংসদ ভংগৰ ওপৰত ৰায় প্ৰদান কৰা নাই যদিও ন্যায়ধীশগৰাকীৰ এই মন্তব্যই সম্প্ৰতি দেশখনত চৰ্চা হোৱা দেখা গৈছে ।