আই এচ আই এলৰ আক্ৰমণত নিহত 50 জন চিৰিয়াৰ সেনা

আই এচ আই এলৰ ধাৰাবাহিক আক্ৰমণত নিহত চিৰিয়াৰ সেনা ৷ সদস্যসকলে ধাৰাবাহিক ভাৱে দেশখনত মৰুভূমি অঞ্চলত অব্যাহত ৰাখিছে কূটাঘাটমূলক কাৰ্যকলাপ ৷

ডামাচকাচ , 21 এপ্ৰিলঃ চিৰিয়ান সেনাৰ ওপৰত আই এচ আই এলৰ ধাৰাবাহিক আক্ৰমণ ৷ দীৰ্ঘসময় ধৰি চলি অহা পৃথক পৃথক আক্ৰমণত প্ৰায় 50 জন চিৰিয়াৰ সেনা নিহত ৷ বৃহস্পতিবাৰে নিশা চেণ্ট্ৰেল হ'মচৰ মৰুভূমিত ইছলামিক ষ্টেট অৱ ইৰাক আৰু আই এচ আই এলে সেনাৰ ওপৰত কৰা আক্ৰমণত 27 জনকৈ সেনা জোৱান নিহত হয় ৷ বিগত কিছু দিনত সন্ত্ৰাসবাদী সংগঠনটোৰ আক্ৰমণত প্ৰায় 50 গৰাকী চিৰিয়ান সেনা নিহত হোৱা বুলি প্ৰকাশ ৷

উল্লেখযোগ্য যে,মাৰ্চ মাহত আমেৰিকা সমৰ্থিত কুৰ্দ নেতৃত্বাধীন সেনাৰ হাতত আই এচ আই এল শক্তিহীন হৈছিল যদিও দেশখনৰ মৰুভূমি অঞ্চলত সন্ত্ৰাসবাদী সংগঠনটো সক্ৰিয় হৈ আছিল ৷ সংগঠনটোৰ সদস্যসকলে ধাৰাবাহিক ভাৱে দেশখনত মৰুভূমি অঞ্চলত কূটাঘাটমূলক কাৰ্যকলাপ অব্যাহত ৰাখিছিল ৷