পাকিস্তানৰ প্ৰধানমন্ত্ৰীৰ কৰ'ণা টেষ্ট "নিগেটিভ"

পাকিস্তানৰ সমাজকৰ্মী তথা ইধি ফাউনডেশ্যনৰ চেয়াৰমেন আব্দুল চাট্টাৰ ইধিৰ পুত্ৰ কৰ'ণা ভাইৰাছত আক্ৰান্ত হোৱাৰ খবৰ বিয়পি পৰাৰ পাচতেই পাকিস্তানৰ প্ৰধানমন্ত্ৰী ইমৰাণ খানৰ পৰীক্ষা কৰা হয় ।

নিউজ ডেস্ক, ২৩ এপ্ৰিলঃবুধবাৰে পাকিস্তানৰ প্ৰধানমন্ত্ৰী ইমৰাণ খানৰ কৰ'ণা ভাইৰাছৰ পৰীক্ষা কৰা হয় । অৱশ্যে পৰীক্ষাত প্ৰধানমন্ত্ৰীগৰাকীৰ দেহত কৰ'ণা ভাইৰাছৰ অৱস্থিতি নথকাৰ কথা প্ৰকাশ পাইছে ।

পাকিস্তানৰ সমাজকৰ্মী তথা ইধি ফাউডেশ্যনৰ চেয়াৰমেনৰ আব্দুল চাট্টাৰ ইধিৰ পুত্ৰ ফৈজল ইধি কৰ'ণা ভাইৰাছত আক্ৰান্ত হোৱাৰ খবৰ বিয়পি পৰাৰ পাচতেই পাকিস্তানৰ প্ৰধানমন্ত্ৰীগৰাকীৰ পৰীক্ষা কৰাৱো হয় । কাৰণ প'জিটিভ ৰোগী ফৈজল ইধিৰ সংস্পৰ্কলৈ আহিছিল ইমৰাণ খান যাৰ বাবে বুধবাৰে পৰীক্ষা কৰা হয় প্ৰধানমন্ত্ৰীগৰাকীক ।

ফৈজল ইধিয়ে যোৱা সপ্তাহত ইছলামাবাদত ১০ মিলিয়ন পি কে আৰ প্ৰধানমন্ত্ৰীক কৰ'ণা ভাইৰাছৰ সাহাৰ্য বাবে প্ৰদান কৰিছিল । পাকিস্তানত বৰ্তমানলৈকে ১০,৫০৩ জন লোক আক্ৰান্ত হোৱাৰ বিপৰীতে ২২০ জন লোকৰ মৃত্যু হৈছে কৰ'ণা ভাইৰাছত ।