চিটাৰা ডেস্ক, ২১ ডিচেম্বৰ: শ্বাহৰুখ খানৰ ছবি ‘ডাংকি’ এ আজি ছবিগৃহত মুক্তি লাভ কৰিছে । ইফালে কাইলৈ অৰ্থাৎ ২২ ডিচেম্বৰত ছুপাৰষ্টাৰ প্ৰভাসৰ 'ছালাৰ' ছবিগৃহত মুক্তি পাব । প্ৰভাস অভিনীত এই ছবিখনৰো ব্যাপক উন্মাদনা দেখা গৈছে অনুৰাগীৰ মাজত । এই ছবিখনৰ বিপুল অগ্ৰিম বুকিঙে এই কথা প্ৰমাণ কৰিছে ৷ এই ছবিখনৰ ইমানেই প্ৰি-টিকট বিক্ৰী হৈছে যে শ্বাহৰুখ খানৰ ডাংকিকো চেৰ পেলাবলৈ সক্ষম হৈছে । জানো আহক ‘ছালাৰ’ৰ প্ৰথম দিনৰ শ্ব’ৰ বাবে কিমান অগ্ৰিম বুকিং কৰা হৈছে ।
অগ্ৰিম বুকিঙত কিমান উপাৰ্জন কৰিলে ছালাৰে ?
প্ৰভাসৰ পূৰ্বৰ বহু ছবি বেক টু বেক ফ্লপ হৈছিল আৰু এতিয়া অভিনেতাগৰাকীয়ে ‘ছালাৰ’ৰ জৰিয়তে কামবেক কৰিবলৈ সাজু হৈছে । এই একচন ড্ৰামাখনৰ পৰা প্ৰভাসৰ বহু আশা আছে, আনহাতে ট্ৰেইলাৰ মুক্তি পোৱাৰ পিচতে অনুৰাগীৰ মাজত ছবিখনক লৈ ব্যাপক উন্মাদনা দেখা পোৱা গৈছিল ৷ ইয়াৰ লগতে ‘ছালাৰ’ৰ ব্যাপক অগ্ৰিম বুকিং হৈছে আৰু মুক্তিৰ পূৰ্বেই ছবিখনে ব্যাপক ধন উপাৰ্জন কৰিছে । ‘ছালাৰ’ৰ অগ্ৰিম বুকিঙৰ পৰিসংখ্যা এনেধৰণৰ . . .
- SACNILC ৰ প্ৰতিবেদন অনুসৰি এই পৰ্যন্ত ‘ছালাৰ’ৰ ১৪ লাখ ৪৬ হাজাৰ ৭৪ টিকট বিক্ৰী হৈছে।
- ইয়াৰ লগে লগে প্ৰভাস অভিনীত ছবিখনে অগ্ৰিম বুকিঙত উপাৰ্জন কৰিছে ৩০.২৮ কোটি টকা ।
প্ৰভাসৰ ছবিখনে মুকলিৰ দিনা ভংগ কৰিব বহু বৃহৎ বৃহৎ ছবিৰ অভিলেখ !