চিটাৰা ডেস্ক, 8 আগষ্ট: বলীউডৰ খিলাড়ি অক্ষয় কুমাৰক অতি সোনকালেই দেখা যাব OMG 2 অৰ্থাৎ Oh My God 2 ছবিখনত। এই ছবিখনৰ ট্ৰেইলাৰ ৩ আগষ্টত মুক্তি পাইছিল আৰু মাত্ৰ কেইদিনমানৰ পিছতে ছবিগৃহত মুক্তি পাব ছবিখন । ছবিখন ছবিগৃহত মুক্তিৰ পূৰ্বে অক্ষয়ে সদগুৰুৰ বাবে ছবিখনৰ বিশেষ প্ৰদৰ্শনৰ আয়োজন কৰি তেওঁক ছবিখন দেখুৱাইছিল ।
ছবিখন চাই সদগুৰুৱে টুইটাৰত ছবিখনৰ সন্দৰ্ভত অভিজ্ঞতা ব্যক্ত কৰি এটা পোষ্ট শ্বেয়াৰ কৰিছে ৷ সধগুৰুৱে এটা ভিডিঅ’ শ্বেয়াৰ কৰিছে, য’ত তেওঁ আৰু অক্ষয় দুয়োকে এখন খেলপথাৰত ডিস্ক খেলি থকা দেখা গৈছে ৷ ভিডিঅ’টো পোষ্ট কৰি সদগুৰুৱে অক্ষয়ক কয় যে, আপোনাৰ ঈশা যোগ কেন্দ্ৰলৈ অহা আৰু আপুনি OMG 2 ৰ বিষয়ে কোৱা কথাবোৰ অসাধাৰণ আছিল ।
কি ক’লে অক্ষয় কুমাৰে ?
ইয়াৰ পিচত অক্ষয় কুমাৰে সধগুৰুৰ পোষ্টটোক লৈ প্ৰতিক্ৰিয়া প্ৰকাশ কৰে ৷ অভিনেতাগৰাকীয়ে উত্তৰ দিলে, ‘‘নমস্কাৰম সধগুৰু । ঈশা যোগ কেন্দ্ৰলৈ অহাটো মোৰ বাবে এক সন্মানৰ কথা আছিল । এইটোৱেই আছিল মোৰ এতিয়ালৈকে সৰ্বশ্ৰেষ্ঠ অভিজ্ঞতা । OMG 2 চোৱাৰ বাবে আৰু আপোনাৰ পৰামৰ্শৰ বাবে ধন্যবাদ । আপুনি আমাৰ কামক ভাল পোৱা আৰু শলাগ লোৱাটো মোৰ আৰু গোটেই দলটোৰ বাবে এটা ডাঙৰ কথা ।’’