চিটাৰা ডেস্ক, 11 এপ্ৰিল : সপ্তাহটোৰ আৰম্ভণিতে মনোৰঞ্জনধৰ্মী ক্ষেত্ৰখনলৈ আহিল এটি দুঃখবৰ ৷ সোমবাৰে পুৱা পৰলোকলৈ গমন কৰে শিৱ সুব্ৰমনিয়ামে ৷ তেওঁ একেধাৰে পৰিচিত আছিল এজন অভিনেতাৰ লগতে চিত্ৰনাট্য লিখক হিচাপে ৷
চলচ্চিত্ৰ নিৰ্মাতা অশোক পণ্ডিত আৰু হনচল মেহতাই সোমবাৰৰ পুৱা টুইটাৰৰ জৰিয়তে শিৱ সুব্ৰমনিয়ামৰ মৃত্যুৰ খবৰ সামাজিক মাধ্যমত প্ৰকাশ কৰে ৷ এতিয়ালৈকে স্পষ্টকৈ জানিব পৰা হোৱা নাই তেওঁৰ মৃত্যুৰ কাৰণ (Actor Shiv Subrahmanyam death reason) ৷ হনচল মেহতাই সোমবাৰে পুৱাৰ ভাগতে অন্ত্যেষ্টিক্ৰিয়া সম্পন্ন হোৱাৰ কথা জানিবলৈ দিয়ে ৷
অশোক পণ্ডিতে সুব্ৰমনিয়ামৰ মৃত্যুত গভীৰ শোক প্ৰকাশ কৰে ৷ সুব্ৰমনিয়ামৰ আকস্মিক মৃত্যুত হতভম্ব হৈ পৰা অশোকে অভিনেতাজনৰ পত্নী দিব্যা তথা পৰিয়ালবৰ্গলৈ গভীৰ সমবেদনা জ্ঞাপন কৰে ৷ আনহাতে হনচলেও মানৱৰূপী মনীষীগৰাকীৰ মৃত্যুত গভীৰ শোক প্ৰকাশ কৰে ৷
সুব্ৰমনিয়ামে ১৯৮৯ চনৰ Parinda আৰু সুধীৰ মিশ্ৰৰ Hazaaron Khwaishein Aisi চলচ্চিত্ৰৰ চিত্ৰনাট্য লিখাৰ কৃতিত্ব লাভ কৰে ৷ তেওঁ টু ষ্টেটছত আলিয়া ভাটৰ পিতৃৰ চৰিত্ৰত অভিনয় কৰি দৰ্শকৰ হৃদয় জয় কৰিছিল (two states actor Alia Bhatt father role) । তেওঁক শেষবাৰৰ বাবে নেটফ্লিক্সৰ মীনাক্ষী সুন্দৰেশ্বৰত দেখা গৈছিল ।
লগতে পঢ়ক:দাক্ষিণাত্যৰ প্ৰবীণ অভিনেতা বালায়াৰ বিয়োগ
