চিটাৰা ডেস্ক, 7 জুন:চনু সুদ হৈছে বলীউডৰ এনে এগৰাকী অভিনেতা, যিগৰাকীক কেৱল অভিনয়ৰ বাবেই নহয়, তেওঁৰ উদাৰতাৰ বাবেও ভাল পায় অনুৰাগীয়ে । প্ৰায়ে বিপদত পৰা মানুহক সহায় আগবঢ়োৱা দেখা যায় অভিনেতাগৰাকীক ৷ ছ’চিয়েল মিডিয়াৰ জৰিয়তে সহায় কৰিবলৈ আগবাঢ়ি যায় অভিনেতাগৰাকী (Sonu Sood)।
কৰ'ণা কালত তেওঁ বহু পৰিয়ালক তেওঁলোকৰ আপোনজনক লগ পোৱাত সহায় কৰিছিল । এতিয়া পুনৰ এবাৰ অভিনেতাজনে নিজৰ মহানুভৱতাৰ পৰিচয় দিয়ে। ওড়িশাৰ বালাছোৰ জিলাত সংঘটিত হোৱা হৃদয়বিদাৰক ৰে’ল দুৰ্ঘটনাত আপোনজনক হেৰুওৱা পৰিয়ালক সহায় কৰাৰ আশ্বাস প্ৰদান কৰে অভিনেতাগৰাকীয়ে (Sonu Sood Launches Helpline For Odisha Train Accident) ৷ অভিনেতাগৰাকীয়ে এই খবৰ টুইটযোগে শ্বেয়াৰ কৰে ৷
চনু সুদে শ্বেয়াৰ কৰিলে হেল্পলাইন নম্বৰ
৩ জুনত চনু সুদে ওড়িশাৰ ৰে’ল দুৰ্ঘটনাত আপোনজনক হেৰুওৱা পৰিয়াললৈ সমবেদনা জ্ঞাপন কৰি এক হৃদয়স্পৰ্শী বাৰ্তা শ্বেয়াৰ কৰিছিল । এতিয়া অভিনেতাগৰাকীয়ে ৰে’ল দুৰ্ঘটনাত প্ৰাণ হেৰুৱা লোকসকলক সহায় কৰিবলৈ এটা টুইট কৰিছে (Odisha Train Accident news) ।
অভিনেতাগৰাকীয়ে টুইট কৰি কয় যে, “ওড়িশাৰ ট্ৰেজেডীত পৰিয়াল হেৰুওৱা ভুক্তভোগীসকলক তেওঁলোকৰ জীৱন পুনৰ নিৰ্মাণৰ বাবে সহায় কৰা হ’ব”। লগতে তেওঁ সৰ্বাধিক সংখ্যক লোকসকলক সহায় কৰিব পৰাকে এই টুইটটো তেওঁৰ চেৰিটি ফাউণ্ডেশ্যনৰ পৰাও শ্বেয়াৰ কৰে। ওড়িশাৰ ভুক্তভোগীক সহায় কৰিবলৈ আগবাঢ়ি অহাৰ বাবে অনুৰাগীয়ে ছ’চিয়েল মিডিয়াত শলাগ লৈছে ।