চিটাৰ ডেস্ক, 3 মাৰ্চ: বলীউডৰ অন্যতম ধুনীয়া আৰু মৰমলগা অভিনেত্ৰী হৈছে শ্ৰদ্ধা কাপুৰ । ‘আশিকী-২’ ছবিখনৰ জৰিয়তে বলীউডত সফলতা অৰ্জন কৰিছিল শ্ৰদ্ধা কাপুৰে ৷ এক ভিলেইন, ষ্ট্ৰী, বাঘী, হাইদৰ, ছি’চৰেৰ দৰে বহুকেইখন হিট ছবি দৰ্শকক উপহাৰ দিছে শ্ৰদ্ধাই ৷ বাঘী ছবিত অভিনয় কৰা অভিনেত্ৰীগৰাকীৰ আজি ৩৬ সংখ্যক জন্মদিন (Shraddha Kapoor 36th Birthday)। জন্মদিনৰ এই বিশেষ ক্ষণত পৰিয়ালবৰ্গৰ লগতে অনুৰাগীসকলে অভিনেত্ৰীগৰাকীক জন্মদিনৰ শুভেচ্ছা জ্ঞাপন কৰিছে (Happy Birthday Shraddha Kapoor) ।
শ্ৰদ্ধা কাপুৰৰ ভাতৃ সিদ্ধান্ত কাপুৰে নিজৰ অফিচিয়েল ইনষ্টাগ্ৰাম একাউন্টত নিজৰ আৰু ভগ্নী শ্ৰদ্ধাৰ এখন পুৰণি ছবি শ্বেয়াৰ কৰি কেপচনত লিখিছে, "পৃথিৱীৰ আটাইতকৈ দয়ালু ভনীয়েকলৈ, শ্ৰেষ্ঠ কন্যালৈ, শ্ৰেষ্ঠ বন্ধুলৈ, শ্ৰেষ্ঠ ভতিজীলৈ, শ্ৰেষ্ঠ ভনীয়েক, শ্ৰেষ্ঠ পেহীলৈ, শ্ৰেষ্ঠ সকলো, এগৰাকী আদৰ্শবাদীলৈ, আটাইতকৈ ডাঙৰ হৃদয় থকা ব্যক্তিগৰাকীলৈ, শ্ৰেষ্ঠ মানুহগৰাকীলৈ, আটাইতকৈ ডাঙৰ দাতালৈ, সদায় ইমান সহানুভূতিশীল আৰু সংবেদনশীল সংবেদনশীল, সুখ আৰু ভালপোৱা বাবে ধন্যবাদ । মোৰ চকুৰ তৰাজনীলৈ জন্মদিনৰ শুভেচ্ছা থাকিল । মই তোমাক বহুত ভাল পাওঁ (Siddhanth Kapoor wishes sister Shraddha) ৷"