চিটাৰা ডেস্ক, 5 মে’ :বলীউডৰ বাদশ্বাহ শ্বাহৰুখ খানৰ ‘পাঠান’ ছবিখনে শেহতীয়াকৈ বক্স অফিচত আলোড়নৰ সৃষ্টি কৰিছিল ৷ এতিয়া অনুৰাগীৰ মাজত কিং খানৰ ক্ৰেজ শেষ হোৱাৰ পূৰ্বেই শ্বাহৰুখ খানৰ আন এখন বিগ বাজেটৰ ছবি অতি সোনকালেই মুক্তি পাব ছবিগৃহত (Jawan Release Date) ৷ হয় আমি কৈছো, শ্বাহৰুখ খানৰ আহিবলগীয়া আগন্তুক ছবি ‘জৱান’ৰ কথা ৷ ‘জৱান’ ছবিখনৰ বাবে অতি আগ্ৰহেৰে অপেক্ষা কৰি আছে কিং খানৰ অনুৰাগীসকলে ৷ কিন্তু ছবিখনৰ মুক্তিৰ তাৰিখ বাৰে বাৰে সলনি কৰি আহিছে নিৰ্মাতাই ৷ সেয়াহে অনুৰাগীসকল উৎসুক হৈ আছে ছবিখনৰ মুক্তিৰ তাৰিখ জানিবলৈ ৷
কেতিয়া ছবিগৃহত মুক্তি পাব ‘জৱান’ ?
প্ৰথমে ছবিখন ২ জুনত মুক্তি পাব বুলি কোৱা হৈছিল (Jawan Release) ৷ কিন্তু ইয়াৰ পিচত ছবিখনৰ মুক্তি তাৰিখ সলনি কৰি দিয়া হয় ৷ এতিয়ালৈকে এই সন্দৰ্ভত নিৰ্মাতাসকলৰ পৰা কোনো আনুষ্ঠানিক বক্তব্য সন্মুখলৈ অহা নাই। কিন্তু কোৱা হৈছে যে ছবিখনৰ তাৰিখ সলনি হৈছে আৰু এতিয়া ছবিখন জুন মাহত মুক্তি লাভ নকৰে ৷ এনে পৰিস্থিতিত অনুৰাগীসকল অস্থিৰ হৈ পৰিছে এই ছবিখন কেতিয়া পৰ্দাত আহিব । কাৰণ ছবিখনৰ বহু মুক্তিৰ তাৰিখ ইতিমধ্যেই ভাইৰেল হৈ পৰিছে ছ’চিয়েল মিডিয়াত ।
শ্বাহৰুখ খান, নয়ন্তৰা, বিজয় সেঠুপতি আৰু সঞ্জয় দত্তৰ অভিনীত এই একচন-ড্ৰামা ছবিখন আচলতে কেতিয়া মুক্তি পাব ?
উল্লেখ্য যে, এই ছবিখন ২ জুনত নহয় ২৯ জুনৰ পৰা ১১ আগষ্টৰ ভিতৰত মুক্তি লাভ কৰাৰ সম্ভাৱনা আছে ৷ কিন্তু এই সন্দৰ্ভতো কোনো মতামত দিয়া নাই নিৰ্মাতাই ৷ অৱশ্যে চৰ্চালৈ অহা ছবিখনৰ মুক্তিৰ তাৰিখ ২৫ আগষ্ট বুলি কোৱা হৈছে । বহু সংবাদ মাধ্যমৰ বাতৰি অনুসৰি জৱানৰ মুক্তিৰ তাৰিখ ২৫ আগষ্টত নিশ্চিত হোৱা বুলি ধৰা হৈছে (Shah Rukh khan starrer Jawan) ।
২৯ জুনত কাৰ্তিক আৰিয়ান আৰু কিয়া আদৱানীৰ ছবি ‘সত্যপ্ৰেম কি কথা’ আৰু ১১ আগষ্টত ৰজনীকান্তৰ ছবি জেইলৰ, ৰণবীৰ কাপুৰ আৰু ৰশ্মিকা মান্দান্নাৰ এনিমেল আৰু ছানি দেওল আৰু অমিছা পেটেলৰ বহু প্ৰত্যাশিত ছবি গদৰ-২ ছবিখন মুক্তি লাভ কৰিব ৷ একে সময়তে ২৫ আগষ্টত আয়ুষ্মান খুৰানা আৰু অনন্যা পাণ্ডে অভিনীত ছবি ড্ৰিম গাৰ্ল-২ মুক্তি পাবলৈ গৈ আছে। এতিয়া কোনখন ছবি দৰ্শকে চাব সেই লৈ এক ডাঙৰ প্ৰশ্ন উত্থাপন হয় ৷ কেৱল ইমানেই নহয়, একে সময়তে মুক্তি পোৱা এই সকলোবোৰ ছবিৰ উপাৰ্জনত ডাঙৰ প্ৰভাৱ পৰিব ।
লগতে পঢ়ক:Pathaan: বাংলাদেশত ইতিহাস ৰচনা কৰিবলৈ গৈ আছে শ্বাহৰুখ খানৰ ছবি পাঠানে; জানি লওক কেনেকৈ
