চিটাৰা ডেস্ক, 31 জুলাই: দক্ষিণৰ সুপৰিচিত অভিনেতা ৰাঘৱ লৰেন্স যোৱা কিছুদিনৰ পৰা তেওঁৰ আগন্তুক ছবি ‘চন্দ্ৰমুখী 2’ৰ বাবে লাইমলাইটত আছে । অভিনেতাগৰাকীৰ অনুৰাগীসকলে এই ছবিখনৰ বাবে আগ্ৰহেৰে অপেক্ষা কৰি আছে। ইফালে অনুৰাগীৰ বাবে ছবিখনৰ নিৰ্মাতাসকলে চন্দ্ৰমুখী 2 ৰ ভেট্টাইয়ানৰ চৰিত্ৰত ৰাঘৱ লৰেন্সৰ ফাৰ্ষ্ট লুক মুকলি কৰিছে । আজি অৰ্থাৎ 31 জুলাইৰ পুৱা 10 বজাত ছবিখনৰ পোষ্টাৰ মুকলি কৰা হৈছে । ইয়াৰ লগতে ছবিখনৰ মুক্তিৰ তাৰিখো প্ৰকাশ কৰা হৈছে ।
ৰাঘৱ লৰেন্সৰ অন্যন্য ৰূপ দেখা যাব ছবিখনত
ছবিখনৰ নিৰ্মাতাসকলে টুইটাৰত ‘চন্দ্ৰমুখী 2’ৰ পোষ্টাৰ শ্বেয়াৰ কৰি ছবিখনৰ মুক্তিৰ তাৰিখ ঘোষণা কৰিছে। কংগনা ৰানাৱট আৰু ৰাঘৱ লৰেন্সৰ অভিনীত এই ছবিখন গণেশ চতুৰ্থী উপলক্ষে ছবিগৃহত মুক্তি পাব । এই ছবিখনৰ ঘোষণাৰ পিছৰে পৰা ছবিপ্ৰেমীসকল এই ছবিখনক লৈ অতিশয় উৎসাহিত হৈ পৰিছে । পি ভাছুৰ পৰিচালনাত নিৰ্মিত এই ছবিখনত ৰাঘৱ লৰেন্সক মুখ্য চৰিত্ৰত দেখা যাব ।
কংগনাক এক গুৰুত্বপূৰ্ণ চৰিত্ৰত দেখা যাব ছবিখনত