চিটাৰা ডেস্ক, ১০ ছেপ্টেম্বৰ: ‘ছালাৰ’ক লৈ যোৱা কেইবাদিনো ধৰি বাতৰিৰ শিৰোনাম দখল কৰি আছিল দক্ষিণ ছবিৰ ছুপাৰষ্টাৰ প্ৰভাসে । চলিত মাহৰ ২৮ তাৰিখে ছবিখন মুক্তি পোৱাৰ কথা আছিল যদিও কিবা কাৰণত মুক্তিৰ দিন পিছুৱাই দিয়া হৈছে । কিন্তু প্ৰভাসৰ অনুৰাগীসকল হতাশ হোৱাৰ প্ৰয়োজন নাই । কাৰণ আহি আছে প্ৰভাসৰ আন এখন নতুন ছবি ৷ এই ছবিখনত ‘ভগৱান শিৱ’ৰ অৱতাৰত দেখা যাব অভিনেতাগৰাকীক ।
শ্ৰীৰামৰ পিচত এইবাৰ ভগৱান শিৱৰ চৰিত্ৰত দেখা যাব প্ৰভাসক
মেগা বাজেটৰ ছবি ‘আদিপুৰুষ’ত শ্ৰীৰামৰ চৰিত্ৰত অভিনয় কৰাৰ পিচত প্ৰভাছে পুনৰ এবাৰ পৌৰাণিক চৰিত্ৰত অভিনয় কৰিব পাৰে প্ৰভাসে । এইবাৰ তেওঁক ভগৱান শিৱৰ চৰিত্ৰত দেখা যাব ৷ এইখন হ’ব এখন তেলেগু ছবি, যাৰ নাম হ’ব ‘ভক্ত কানাপ্পা’। এই ছবিখন বিষ্ণু মাঞ্চুৰ সপোনৰ প্ৰজেক্ট, য’ত প্ৰভাছে গুৰুত্বপূৰ্ণ ভূমিকা ল’ব। বিষ্ণু মাঞ্চুৱে ইয়াৰ সৈতে জড়িত এটা টুইট শ্বেয়াৰ কৰিছে ।
কৃতি সেননৰ ভগ্নীৰ সৈতে স্ক্ৰীণ শ্বেয়াৰ কৰিব প্ৰভাসে
ছবিখনত প্ৰভাসৰ প্ৰৱেশ নিশ্চিত কৰিছে বিষ্ণু মাঞ্চুৱে । খবৰ অনুসৰি প্ৰভাসক কেমিঅ’ চৰিত্ৰত দেখা যাব । কোৱা হৈছে যে এই ছবিখনৰ মহিলা নায়ক হিচাপে থাকিব ৰাষ্ট্ৰীয় বঁটা বিজয়ী কৃতি সেননৰ ভগ্নী নুপুৰ । যদি খবৰ সঁচা হয়, তেন্তে ডাঙৰ পৰ্দাত এয়া হ’ব নুপুৰৰ প্ৰথমখন ছবি ।