চিটাৰা, 30 মে’: আজি (৩০ মে’) বলীউডৰ প্ৰবীণ অভিনেতা পৰেশ ৰাৱালৰ জন্মদিন (Happy Birthday Paresh Rawal)। পৰেশ ৰাৱাল আজি কোনো পৰিচয়ৰ ওপৰত নিৰ্ভৰশীল নহয় । পৰেশ ৰাৱালে তেওঁৰ উৎকৃষ্ট অভিনয়ৰে সমগ্ৰ বিশ্বতে স্বীকৃতি অৰ্জন কৰিছে।
প্ৰবীণ অভিনেতাগৰাকী কেৱল বলীউডৰেই নহয়, মাৰাঠী ছবিৰো এগৰাকী প্ৰবীণ অভিনেতা । প্ৰায় ৩ দশক ধৰি অভিনয়ৰ যাদুৰে মানুহৰ হৃদয় জয় কৰা পৰেশ ৰাৱালে বলীউডৰ বহু উজ্জ্বল ছবিত কাম কৰি আহিছে। আজি পৰেশ ৰাৱালে ৬৮ তম জন্মদিন উদযাপন কৰিবলৈ ওলাইছে । ১৯৫৫ চনৰ ৩০ মে’ত মুম্বাইৰ এটা গুজৰাটী পৰিয়ালত জন্মগ্ৰহণ কৰিছিল ৰাৱালে । আজি বলিষ্ঠ অভিনেতাগৰাকীৰ জন্মদিন উপলক্ষে জানো আহক তেখেতৰ জীৱনৰ কিছু নজনা কথা (Paresh Rawal birthday special)।
বেংকত কাম কৰা পৰেশ কেনেকৈ হ’ল অভিনেতা ?
১৯৫০ চনৰ ৩০ মে’ত মুম্বাইত জন্মগ্ৰহণ কৰা পৰেশ ৰাৱাল বলিষ্ঠ অভিনয়ৰ বাবে আজি জনপ্ৰিয় যদিও তেওঁৰ উদ্দেশ্য আছিল চিভিল ইঞ্জিনিয়াৰ হোৱাৰ (HBD Paresh Rawal)। পঢ়া-শুনা শেষ কৰি চাকৰি বিচাৰিছিল অভিনেতাগৰাকীয়ে, যাৰ বাবে তেওঁ বহুত সংগ্ৰামো কৰিবলগীয়া হৈছিল । একে সময়তে অতি কম সংখ্যক লোকে এই কথা জানিব বা ক’ব যে পৰেশ ৰাৱালে এই উদ্যোগটোত যোগদান কৰাৰ আগতে বেংক অৱ বৰোদাতো কাম কৰিছিল, কিন্তু অভিনয়ৰ প্ৰতি থকা আগ্ৰহৰ বাবে চাকৰি ত্যাগ কৰিছিল ৷ তাৰ পিচত অভিনয়কে নিজৰ কেৰিয়াৰ হিচাপে গঢ়ি লয় অভিনেতাগৰাকীয়ে ।
বিভিন্ন ভাষাত কাম কৰিছে পৰেশ ৰাৱালে
পৰেশ ৰাৱালে ১৯৮২ চনত গুজৰাটী ছবি ‘নছিব নি বলিহাৰী’ৰ জৰিয়তে অভিনয় জীৱন আৰম্ভ কৰিছিল (Paresh Rawal carrier) । পিচলৈ পৰেশ ৰাৱালে ১৯৮৪ চনত ‘হোলী’ ছবিৰ জৰিয়তে বলীউডত আত্মপ্ৰকাশ কৰিছিল ৷ এই ছবিখনত পৰেশ ৰাৱালে সহযোগী অভিনেতাৰ চৰিত্ৰত অভিনয় কৰিছিল । একে সময়তে পৰেশ ৰাৱালে বহুকেইখন হিট ছবি দৰ্শকক উপহাৰ দিছিল । পৰেশ ৰাৱালে গুজৰাটী, হিন্দী, তেলেগু, মাৰাঠী ছবিত কাম কৰি আহিছে ।