চিটাৰা ডেস্ক, ৯ ছেপ্টেম্বৰ: জৱান ছবিত শ্বাহৰুখ খানৰ কাবেৰী আম্মাৰ চৰিত্ৰত অভিনয় কৰি ইতিমধ্যে ৰিদ্ধি ডোগ্ৰাই শিৰোনাম দখল কৰিবলৈ সক্ষম হৈছে ৷ কিন্তু নিজৰ বয়সতকৈ ডাঙৰ অভিনেতাৰ মাতৃৰ চৰিত্ৰত অভিনয় কৰা যুৱ অভিনেত্ৰী কেৱল ৰিদ্ধি ডোগ্ৰাই প্ৰথম নহয় ৷ বলীউডত এনে কেইবাগৰাকীও অভিনেত্ৰী আছে যিয়ে নিজৰ বয়সতকৈ ডাঙৰ অভিনেতাৰ মাতৃৰ চৰিত্ৰত অভিনয় কৰিছে ৷ তেন্তে আহক জানো কোন কোন অভিনেত্ৰীয়ে নিজৰ বয়সতকৈ ডাঙৰ নায়কৰ অনস্ক্ৰীণ মাতৃ চৰিত্ৰত অভিনয় কৰিছে ৷
নৰ্গিছ দত্ত: এতিয়ালৈকে বলীউডৰ বহু অভিনেত্ৰীয়ে নিজতকৈ ডাঙৰ নায়কৰ মাতৃৰ চৰিত্ৰত অভিনয় কৰিছে ৷ বয়সস্থ অভিনেতাৰ মাতৃৰ চৰিত্ৰত অভিনয় কৰা অভিনেত্ৰীসকলৰ তালিকাত প্ৰথম স্থান লাভ কৰিছে অভিনেত্ৰী নৰ্গিছ দত্তই ৷ মাদাৰ ইণ্ডিয়া ছবিখনত ৰাজেন্দ্ৰ কুমাৰ আৰু সুনীল দত্তৰ মাতৃৰ চৰিত্ৰত অভিনয় কৰিছিল অভিনেত্ৰী নৰ্গিছ দত্তই ৷ মজাৰ কথাটো হ’ল এই ছবিখনৰ চেটতেই আৰম্ভ হৈছিল সুনীল দত্ত আৰু নাৰ্গিছৰ প্ৰেম কাহিনী ৷
শ্বীবা চড্ডা: জৱানত ৰিদ্ধি ডোগ্ৰা আৰু শ্বাহৰুখ খানৰ মাতৃৰ চৰিত্ৰত অভিনয় কৰাৰ লগতে জিৰ’ ছবিত অভিনেত্ৰী শ্বীবা চড্ডাই শ্বাহৰুখ খানৰ মাতৃৰ চৰিত্ৰত অভিনয় কৰিছিল ৷ জনাই দিও যে, শ্বাহৰুখ খানতকৈ শ্বীবা ৭ বছৰ সৰু ৷
শ্বেফালী শ্বাহ:অভিনেত্ৰী শ্বেফালী শ্বাহেও অনস্ক্ৰীণ নিজৰ বয়সতকৈ ডাঙৰ অভিনেতাৰ মাতৃৰ চৰিত্ৰত অভিনয় কৰিছে ৷ হয়...শ্বেফালীয়ে ৱাকট: দ্য ৰেচ এগেইনষ্ট টাইম ছবিখনত অমিতাভ বচ্চনৰ পত্নী আৰু অক্ষয় কুমাৰৰ মাতৃৰ চৰিত্ৰত অভিনয় কৰিছিল ৷ জনাই দিও যে, অক্ষয় কুমাৰ অভিনেত্ৰী শ্বেফলীতকৈ পাঁচ বছৰ ডাঙৰ ৷