Ranalia ৰ কিছু নেদেখা ফটো অনুৰাগীৰ সৈতে শ্বেয়াৰ কৰিলে দুই মাতৃয়ে

ৰণবীৰ আৰু আলিয়াৰ মাতৃ ক্ৰমে নিতু কাপুৰ আৰু ছ’নী ৰাজদানে জনপ্ৰিয় যুটিটোৰ কেইখনমান মনোমোহা ফটো ছ’চিয়েল মিডিয়াত আপলোড কৰিছে (Alia Bhatt Ranbir baby) ৷ ফটোসমূহত ৰণবীৰ আৰু আলিয়াৰ মাজৰ প্ৰেম স্পষ্টকৈ ফুটি উঠিছে ৷ চাওক ফটোসমূহ-

চিটাৰা ডেস্ক, 28 জুন :আলিয়া ভাটে সোমবাৰে (২৭ জুন) নিজৰ গৰ্ভধাৰণৰ খবৰ ৰাজহুৱা কৰে (Alia Bhatt Ranbir baby) ৷ খবৰটো বিয়পি পৰাৰ লগে লগেই এক ধুমুহাৰ সৃষ্টি হয় সামাজিক মাধ্যমত ৷ চাৰিওফালৰে পৰা শুভেচ্ছা বাণীৰে উপচি পৰে আলিয়াৰ ছ’চিয়েল মিডিয়া হেণ্ডেল ৷

হাস্পতালৰ ভিতৰৰ পৰা শ্বেয়াৰ কৰা ফটোখনত ৰণবীৰক আলিয়া শুই থকা বিচনাখনৰ কাষত বহি থকা দেখা গৈছে (Alia Bhatt instagram) ৷ আলিয়াৰ মাতৃ ছ’নী ৰাজদানেও কমেণ্ট কৰিছে আলিয়াৰ পোষ্টটোত ৷ এতিয়া দুই মাতৃ নিতু আৰু ছ’নীয়ে নিজ নিজ ছ’চিয়েল মিডিয়া হেণ্ডেলত দুয়োকে শুভেচ্ছা জনাই পোষ্ট কৰিছে তেওঁলোকৰ কিছু নেদেখা ফটো ৷

ছ’নী ৰাজদানে ৰণবীৰ আলিয়াক তেওঁলোকৰ ভ্ৰমণৰ ফটো শ্বেয়াৰ কৰি আশীৰ্বাদ দিছে । সমান্তৰালকৈ নিতু কাপুৰেও শ্বেয়াৰ কৰিছে তেওঁলোকৰ আগতে নেদেখা ফটো । এই ফটোসমূহ আলিয়া ভাটে তেওঁৰ প্ৰিয় ফটো হিচাপে উল্লেখ কৰিছে । ৰণবীৰ আলিয়াৰ এই ভাল খবৰে সমগ্ৰ কাপুৰ পৰিয়ালতে আনন্দৰ ঢৌ বোৱাইছে ।

ভগ্নী ৰিদ্ধিমা কাপুৰেও শুভেচ্ছা জনাইছে আলিয়াক । বলীউডৰ তাৰকাসকলৰ ভিতৰত ৰাকুল প্ৰীত, মৌনী ৰয় আৰু ডিয়ানা পেণ্টিকে ধৰি আন বহুতো তাৰকাই আলিয়াক অভিনন্দন জনাইছে ।

চলিতে বছৰতে মুক্তি পাব ৰণবীৰ আলিয়া অভিনীত প্ৰথম ছবি 'ব্ৰহ্মাস্ত্ৰ'ই (Brahmastra cast) ৷ চলচ্চিত্ৰখনে চলিত বৰ্ষৰ ৯ ছেপ্টেম্বৰত মুক্তি লাভ কৰিব (Brahmastra release date) । তাৰ পূৰ্বে ৰণবীৰ কাপুৰৰ 'শ্বমছেৰা' জুলাইত মুক্তি লাভ কৰিব (Ranbir Kapoor upcoming movies) । আলিয়াই নিজৰ ইনষ্টাগ্ৰামত বোলছবিখনৰ সকলো পোষ্টাৰ আৰু ট্ৰেইলাৰ শ্বেয়াৰ কৰিছে ।