Published : Nov 7, 2023, 1:14 PM IST
চিটাৰা ডেস্ক, 7 নৱেম্বৰ: শেহতীয়াকৈ ইণ্টাৰনেটত ৰশ্মিকা মন্দন্নাৰ এটা ভুৱা ভিডিঅ’ ভাইৰেল হৈ পৰিছিল ৷ ইয়াৰ পিচতে এই ভিডিঅ’টোক লৈ ছ’চিয়েল মিডিয়াত ব্যাপক চৰ্চা আৰম্ভ হৈছে ৷ ইফালে খোদ অভিনেত্ৰীগৰাকীয়ে এই ভিডিঅ’টোক তীব্ৰ গৰিহণা দিয়াৰ লগতে এতিয়া অভিনেত্ৰী মৃণাল ঠাকুৰকে ধৰি বহু চেলিব্ৰিটিয়ে ৰশ্মিকাক সমৰ্থন কৰিছে । মৃণাল ঠাকুৰে ৰশ্মিকাৰ স্থিতিৰ শলাগ লৈ এটা পোষ্ট শ্বেয়াৰ কৰি এনে ঘটনাৰ বিৰুদ্ধে মাত মাতিবলৈ আনকো উৎসাহিত কৰে ।
এই বিষয়ত ৰশ্মিকাৰ স্থিতিৰ বাবে প্ৰশংসা কৰে মৃণাল ঠাকুৰে
অভিনেত্ৰী মৃণাল ঠাকুৰে তেওঁৰ ইনষ্টাগ্ৰাম ষ্ট’ৰীত অনলাইনত শ্বেয়াৰ কৰা ভাইৰেল ভুৱা ভিডিঅ’ৰ বিৰুদ্ধে শক্তিশালী স্থিতি লোৱাৰ বাবে ৰশ্মিকাক প্ৰশংসা কৰে । এনে কাৰ্য কৰা সকলক অভিনেত্ৰীগৰাকীয়ে মুকলিকৈ সমালোচনা কৰে ।
মৃণালে নিজৰ পোষ্টটোত লিখিছে, "এনেধৰণৰ আশ্ৰয় লোৱা লোকসকলে লাজ পাব লাগে, ইয়াৰ পৰা দেখা যায় যে এনে লোকৰ বিবেক নাই । ইয়াৰ বিৰুদ্ধে মাত মতাৰ বাবে ধন্যবাদ ৰশ্মিকা মন্দান্না । আমাৰ বহুতেই এনে বিষয়ত মাত মতাৰ পৰিৱৰ্তে মৌনতা অৱলম্বন কৰে । প্ৰতিদিনে ইণ্টাৰনেটত মহিলা অভিনেত্ৰীৰ কামুক ভিডিঅ’ প্ৰচাৰিত হয়, য’ত শৰীৰৰ অনুপযুক্ত অংগ জুম ইন কৰা হয় । আমি এটা সম্প্ৰদায় হিচাপে, সমাজ হিচাপে ক’লৈ গৈ আছো ? আমি হয়তো ‘লাইমলাইটত’ অভিনেত্ৰী কিন্তু দিনৰ শেষত আমি প্ৰত্যেকেই এগৰাকী সাধাৰণ মানুহ । আমি কিয় এই বিষয়বোৰৰ ওপৰত কথা নাপাতো ? মনে মনে নাথাকিব, ইয়াৰ বিৰুদ্ধে মাত মাতক, এতিয়া সময় নাই ।’’
লগতে পঢ়ক:Rashmika's Deepfake Video : FAKE নে REAL ভিডিঅ’ ? এই সন্দৰ্ভত প্ৰতিক্ৰিয়া প্ৰকাশ ৰশ্মিকাৰ