নৱবৰ্ষত পত্নীৰ সৈতে ৰোমান্টিক হ’ল ৰণদ্বীপ, বিকিনি পিন্ধি স্বামীৰ সৈতে সূৰ্যাস্ত উপভোগ লিনৰ

Randeep Hooda-Lin Laishram: কেৰালাত পত্নী লিনৰ সৈতে হানিমুন আৰু নৱবৰ্ষ উপভোগ কৰিছে ৰণদ্বীপ হুড্ডাই । ছ’চিয়েল মিডিয়াত শ্বেয়াৰ কৰিলে হানিমুনৰ ৰোমান্টিক ফটো ।

চিটাৰা ডেস্ক, ১ জানুৱাৰী: বিগত বৰ্ষৰ নৱেম্বৰ মাহত মণিপুৰৰ ইম্ফলত অভিনেত্ৰী তথা মডেল লিন লাইশ্ৰমৰ সৈতে বিবাহপাশত আৱদ্ধ হয় বলীউডৰ প্ৰতিভাৱান অভিনেতা ৰণদ্বীপ হুড্ডা ৷ মণিপুৰী পৰম্পৰাগত নীতি-নিয়মেৰে বিয়া পাতি সকলোৰে দৃষ্টি আকৰ্ষণ কৰিছিল এই দম্পতীয়ে । পিচত ২০২৩ চনৰ ১১ ডিচেম্বৰত নৱবিবাহিত দম্পতীয়ে মুম্বাইত এক গ্ৰেণ্ড ৰিচেপচন পাৰ্টিৰো আয়োজন কৰে ৷ তেতিয়াৰ পৰাই এই যুটিয়ে ছ’চিয়েল মিডিয়াত চৰ্চা লাভ কৰি আহিছে । ইয়াৰ মাজতে শেহতীয়াকৈ ৰণদ্বীপক বিমানবন্দৰত তেওঁৰ পত্নী লিনৰ সৈতে দেখা গৈছিল । দৰাচলতে এই নৱবিবাহিত দম্পতীয়ে নৱবৰ্ষ আৰু হানিমুনৰ বাবে কেৰালালৈ গৈছে আৰু এতিয়া হানিমুনৰ মৰমলগা ছবি শ্বেয়াৰ কৰিছে দম্পতীয়ে ।

কেৰালাত হানিমুন উদযাপন ৰণদ্বীপ-লিনৰ

বলীউডৰ বহু চেলিব্ৰিটিয়ে নৱবৰ্ষ উদযাপনৰ বাবে বিদেশলৈ ভ্ৰমণ কৰা দেখা গৈছে ৷ কিন্তু ইয়াৰ বিপৰীতে ৰণদ্বীপ আৰু লিনে ঘৰুৱা ভ্ৰমণৰ সিদ্ধান্ত লৈছে আৰু ভাৰততে হানিমুন আৰু নৱবৰ্ষ উদযাপন কৰা পৰিলক্ষিত হৈছে । সেয়েহে, বিদেশৰ পৰিৱৰ্তে এই দম্পতীয়ে হানিমুনৰ বাবে কেৰালালৈ গৈছে ।

ৰণদ্বীপ হুড্ডা আৰু লিন লাইশ্ৰমে নিজৰ ইনষ্টাগ্ৰাম হেণ্ডেলত দুখন ছবি শ্বেয়াৰ কৰিছে । প্ৰথম ছবিখনত একেলগে দুয়োকে চেলফি ক্লিক কৰা দেখা গৈছে । দ্বিতীয়খন ছবিত ২০২৩ চনৰ শেষৰটো সূৰ্যাস্ত উপভোগ কৰা দেখা গৈছে ৰণদ্বীপ আৰু লিনক । ছবিবোৰত দুয়োকে প্ৰাকৃতিক পৰিৱেশ উপভোগ কৰা দেখা গৈছে । এই সময়চোৱাত ৰণদ্বীপ আৰু তেওঁৰ পত্নীক সাঁতোৰৰ সাজ-পোছাক পৰিধান কৰা দেখা যায় ।

এই ছবিসমূহ শ্বেয়াৰ কৰি অভিনেতাগৰাকীয়ে কেপচনত লিখিছে, "২০২৩ চনৰ শেষৰ সূৰ্যাস্ত ।" পোষ্টটোত এই যুটিয়ে তেওঁলোকৰ স্থানৰ সবিশেষ শ্বেয়াৰ কৰাৰ লগতে কিছু হেচটেগ শ্বেয়াৰ কৰে, যিটো হৈছে কেৰালাৰ কান্নুৰ ৷ লগতে সকলোকে দেশৰ ভিন্ন প্ৰাকৃতিক স্থানত ভ্ৰমণ কৰিবলৈও আহ্বান জনায় ।

লগতে পঢ়ক:১৯ ত প্ৰেমৰ প্ৰস্তাৱ, ২৪ তাৰিখে বিয়া, চাওক কেনেকৈ শূৰাক প্ৰস্তাৱ দিছিল অৰবাজে