চিটাৰা ডেস্ক, 1 এপ্ৰিল: বলীউডৰ কুইন কংগনা ৰানাৱট ছ'চিয়েল মিডিয়াত যথেষ্ট সক্ৰিয় ৷ নিজৰ স্পষ্টবাদী শৈলীৰ বাবে জনাজাত কংগনা । চলচ্চিত্ৰ উদ্যোগত আজিলৈকে মাত্ৰ কেইজনমান মানুহৰহে প্ৰশংসা কৰিছে অভিনেত্ৰীগৰাকীয়ে । শেহতীয়াকৈ, তেওঁ আৰ.আৰ.আৰ. চলচ্চিত্ৰখনৰ বাবে পৰিচালক এছ.এছ. ৰাজামৌলীৰ কামক প্ৰশংসা কৰিছে (Kangana reaction after watching RRR) ।
দৰাচলতে, কংগনাৰ এটা ভিডিঅ' ছ’চিয়েল মিডিয়াত ভাইৰেল হৈ পৰিছে ৷ চেলিব্ৰিটী ফটোগ্ৰাফাৰ ভাইৰেল ভায়ানীয়ে ভিডিঅ’টো তেওঁৰ ইনষ্টা হেণ্ডেলৰ পৰা শ্বেয়াৰ কৰিছে । ভিডিঅ'টোত সৰল-শান্ত ৰূপত দেখা গ’ল কংগনা ৰানাৱটক (Kangana on RRR) ৷
ছবি চাই থিয়েটাৰৰ পৰা ওলাই অহাৰ সময়ত অত্যন্ত সুখী দেখা গৈছিল অভিনেত্ৰীগৰাকীক । কোনখন ছবি চাই আহিছে বুলি সাংবাদিকে সোধা প্ৰশ্নৰ উত্তৰত হাঁহি হাঁহি আৰ.আৰ.আৰৰ নাম লৈছিল কংগনাই ।