Jawan Trailer Dialogue: বেটে কৌ হাত লাগানে ছে পেহলে বাপ ছে বাত কাৰ, এয়া সমীৰ ৱানখেড়েলৈ শ্বাহৰুখ খানৰ মুকলি প্ৰত্যাহ্বান নেকি?

শ্বাহৰুখ খানৰ আগন্তুক ছবি জৱানৰ ট্ৰেইলাৰ মুক্তি হ’ল । ট্ৰেইলাৰটোৰ বহু সংলাপো ইতিমধ্যেই ছ’চিয়েল মিডিয়াত ভাইৰেল হৈ পৰিছে ৷ য’ত এটা সংলাপ আছে - ‘বেটে কো হাত লাগনে ছে পেহলে’। এই সংলাপটোক লৈ ব্যৱহাৰকাৰী আৰু অনুৰাগীয়ে প্ৰকাশ কৰিছে প্ৰতিক্ৰিয়া ৷

চিটাৰা ডেস্ক, 31 আগষ্ট: এতিয়া ছ’চিয়েল মিডিয়াত আদিপত্য বিস্তাৰ কৰিছে জৱানৰ ট্ৰেইলাৰে । ৰাখীবন্ধন উপলক্ষে শ্বাহৰুখ খানৰ বহু প্ৰত্যাশিত ছবি জৱানৰ ট্ৰেইলাৰ মুকলি কৰিছে নিৰ্মাতাই । ট্ৰেইলাৰ মুকলি হোৱাৰ লগে লগে ছ’চিয়েল মিডিয়াত ছবিখনৰ পৰা শ্বাহৰুখ খানৰ বহু সংলাপে চৰ্চা লাভ কৰিছে ৷ কিন্তু আটাইতকৈ হাইলাইটেড সংলাপটো হৈছে ছবিখনত ব্যৱহৃত পিতা-পুত্ৰৰ এটা সংলাপ ৷ ট্ৰেইলাৰটোত কিং খানে ব্যৱহাৰ কৰিছে এটা পিতা-পুত্ৰৰ সংলাপ ৷ কিন্তু এই সংলাপটো এতিয়া ছ’চিয়েল মিডিয়া ব্যৱহাৰকাৰীয়ে কিং খানৰ পুত্ৰ আৰিয়ান খানৰ সৈতে জড়িত বুলি অভিহিত কৰিছে ৷

ছবিখনৰ নিৰ্মাতাই ইউটিউবত মুকলি কৰা জৱানৰ ট্ৰেইলাৰটো দৰ্শকৰ পৰা যথেষ্ট সঁহাৰি লাভ কৰিছে। ট্ৰেইলাৰ মুক্তিৰ মাত্ৰ চাৰি ঘন্টাতে 5 মিলিয়ন ভিউজ লাভ কৰিছে ৷ ট্ৰেইলাৰটোত শ্বাহৰুখৰ একচন দৃশ্যই ছবিখনকলৈ অনুৰাগীৰ উত্তেজনা আৰু অধিক বৃদ্ধি কৰিছে ৷ ইফালে ট্ৰেইলাৰত কিছু সংলাপেও সকলোৰে দৃষ্টি আকৰ্ষণ কৰিছে ।

ছ’চিয়েল মিডিয়াত ভাইৰেল হৈ পৰা শ্বাহৰুখ খানৰ সংলাপটো আছিল এনেধৰণৰ - ‘বেটে কৌ হাত লাগানে ছে পেহলে বাপ ছে বাত কাৰ । ‘জৱান’ৰ ট্ৰেইলাৰৰ এই বিশেষ সংলাপত প্ৰতিক্ৰিয়া প্ৰকাশ কৰিছে ছ’চিয়েল মিডিয়া ব্যৱহাৰকাৰীসকলে ।

সংলাপটো শ্বেয়াৰ কৰি এজন ব্যৱহাৰকাৰীয়ে কেপচনত লিখিছে, ‘বেটে কৌ হাত লাগানে ছে পেহলে বাপ ছে বাত কাৰ । দুৰ্নীতিগ্ৰস্ত সমীৰ ৱানখেড়েলৈ প্ৰত্যক্ষ বাৰ্তা । কিং খানৰ এই বাৰ্তাক আৰিয়ানৰ ড্ৰাগছৰ গোচৰৰ সৈতে সংযোগ কৰি ব্যৱহাৰকাৰীসকলে এনেদৰে মন্তব্য কৰা পৰিলক্ষিত হৈছে ৷

উল্লেখ্য যে, ২০২১ চনৰ ৩ অক্টোবৰত ক্ৰুজ জাহাজৰ কথিত ৰেভ পাৰ্টিৰ ওপৰত অভিযান চলাই নাৰ্কটিকছ কণ্ট্ৰল ব্যুৰোৱে আৰিয়ানক খানক গ্ৰেপ্তাৰ কৰিছিল । অৱশ্যে ২৮ অক্টোবৰত তেওঁক জামিন দিয়া হয় আৰু পিছলৈ তেওঁক সকলো অভিযোগৰ পৰা মুক্ত কৰা হয় ।

উল্লেখ্য যে, শ্বাহৰুখ খানৰ পুত্ৰ আৰিয়ান খান প্ৰথম দৰ্শক আছিল 'জৱান'ৰ ট্ৰেইলাৰৰ । শ্বাহৰুখ খান আৰু নয়নতৰাৰ এই একচন থ্ৰিলাৰ ছবিখন অহা ৭ ছেপ্টেম্বৰত ছবিগৃহত মুক্তি পাব ।

লগতে পঢ়ক:Sunil Grover: শ্বাহৰুখ খানৰ জৱানৰ জৰিয়তে বাস্তৱায়িত হ’ল সুনীল গ্ৰ’ভাৰৰ ডাঙৰ সপোন