চিটাৰা ডেস্ক, 17 জুলাই: পাঠানৰ পিছত জৱান ছবিখনৰ সৈতে ৰক কৰিবলৈ এতিয়া সাজু হৈছে বলীউডৰ ছুপাৰষ্টাৰ শ্বাহৰুখ খান । কিছুদিন পূৰ্বে মুক্তি পোৱা জৱানৰ প্ৰিভিউত অনুৰাগীৰ পৰা যথেষ্ট ইতিবাচক সঁহাৰি পোৱা গৈছে । শ্বাহৰুখ খানে ছবিখনৰ বাবে কোনো ধৰণৰ অভাৱ হোৱাটো নিবিচাৰে । সেইবাবেই ইয়াৰ সংগীতৰ প্ৰতিও বিশেষ গুৰুত্ব দিয়া হৈছে । এই ছবিখনৰ জৰিয়তে বলীউডত অভিষেক ঘটাবলৈ গৈ থকা অনিৰুদ্ধ ৰবিচন্দৰে ছবিখনৰ সংগীতৰ বাবে নিৰ্বাচিত হৈছে । এই ছবিখনৰ বাবেও তেওঁ অতি বৃহৎ মাচুল লৈছে ।
দক্ষিণ চলচ্চিত্ৰ জগতৰ এটা ডাঙৰ নাম অনিৰুদ্ধ ৰবিচন্দৰে ৰজনীকান্তৰ পৰা আৰম্ভ কৰি কমল হাছানলৈকে ছবিৰ বাবে সংগীত দিছে । এতিয়া তেওঁ শ্বাহৰুখ খানৰ ছবি জৱানৰ জৰিয়তে বলীউডত অভিষেক ঘটাব । ইয়াৰ বাবে তেওঁ যিমান টকা পাই আছে, ভাৰতীয় সংগীত পৰিচালকে কোনো এখন ছবিৰ বাবে ইমান টকা লাভ কৰিছে বুলি ক’ব নোৱাৰি ।
যদি খবৰৰ ওপৰত বিশ্বাস কৰা হয়, তেন্তে জৱান ছবিখনৰ বাবে অনিৰুদ্ধই ইমানেই চাৰ্জ লৈছে যে আনকি অস্কাৰ বিজয়ী সংগীত পৰিচালক এ আৰ ৰহমানকো চেৰ পেলাইছে বুলি জানিব পৰা গৈছে ।
এ আৰ ৰহমানৰ কথা ক’বলৈ গ’লে তেওঁ এখন ছবিৰ বাবে প্ৰায় ৮ কোটি টকা লয় । এজন সংগীত পৰিচালকৰ বাবেও এইটো এটা ডাঙৰ ধন । কিন্তু শ্বাহৰুখ খানৰ এই বৃহৎ ছবিখনৰ বাবে অনিৰুদ্ধক আৰু ১০ কোটি টকা দিয়া হৈছে বুলি জানিব পৰা গৈছে । অৱশ্যে ইয়াৰ আনুষ্ঠানিক ঘোষণা এতিয়াও হোৱা নাই । জোৱান ছবিৰ কথা ক’বলৈ গ’লে দক্ষিণৰ অভিনেত্ৰী নয়নতাৰাক শ্বাহৰুখ খানৰ বিপৰীতে দেখা যাব ।
অনিৰুদ্ধ ৰবিচন্দৰৰ কথা ক’বলৈ গ’লে তেওঁ সংগীত জগতৰ এক সুপৰিচিত নাম আৰু দক্ষিণত তেওঁৰ ভাল দখল আছে । তেওঁৰ বয়স মাত্ৰ ৩২ বছৰ যদিও এই কম বয়সতে যথেষ্ঠ সফলতা অৰ্জন কৰিছে ।
ডন, মাৰি, ডাক্তৰ, মাষ্টাৰ, বিক্ৰম, বিষ্ট আদি ছবিত সংগীত দিছে । ইয়াৰ উপৰিও তেওঁৰ আগন্তুক প্ৰজেক্টৰ কথা কওঁতে তেওঁক শ্বাহৰুখৰ জৱান, ৰজনীকান্তৰ জেইলৰ আৰু থালাপতি বিজয়ৰ লিঅ’ত দেখা যাব । ইফালে ৭ ছেপ্তেম্বৰত মুক্তিলাভ কৰিবলৈ গৈ আছে শ্বাহৰুখ খান অভিনীত ছবি জৱান যাৰ বাবে শ্বাহৰুখৰ অনুৰাগীসকলে অতি আগ্ৰহেৰে অপেক্ষা কৰি আছে ৷
লগতে পঢ়ক:Main Atal Hoon: ভাৰতীয় ৰাজনৈতিক প্ৰেক্ষাপটৰ এক চিনাকী মুখ, চিনি পাইছেনে কোন ?
