চিটাৰা ডেস্ক, 15 আগষ্ট : আজি সমগ্ৰ দেশে উদযাপন কৰিছে স্বাধীনতা দিৱস । দেশৰ প্ৰতিগৰাকী ব্যক্তিয়ে এই বিশেষ দিনটো বিভিন্ন ধৰণেৰে উদযাপন কৰিছে । একে সময়তে বলীউড আৰু দক্ষিণৰ চেলিব্ৰিটিসকলো এই ক্ষেত্ৰত পিছ পৰি থকা নাই । তাৰকাসকলে ছ’চিয়েল মিডিয়াৰ যোগেদি নিজৰ অনুৰাগীক শুভেচ্ছা জনাই উদযাপন কৰিছে এই বিশেষ দিনটো । গতিকে জানো আহক স্বাধীনতা দিৱস উপলক্ষে কোন কোন চেলিব্ৰিটিয়ে নিজৰ অনুৰাগীক জনালে শুভেচ্ছা ।
কংগনা ৰাণাৱটে অনুৰাগীক জনালে শুভেচ্ছা
কংগনা ৰাণাৱটে তেওঁৰ ইনষ্টাগ্ৰাম একাউন্টত এটা ষ্ট’ৰীত স্বাধীনতাৰ মুহূৰ্তৰ এখন ছবি শ্বেয়াৰ কৰি সকলোকে স্বাধীনতা দিৱসৰ শুভেচ্ছা জনায় । তেওঁ ইনষ্টা ষ্ট’ৰীৰ কেপচনত লিখিছে, ‘‘স্বাধীনতা দিৱসৰ শুভেচ্ছা থাকিল’’।
অনুপম খেৰে শ্বেয়াৰ কৰিলে স্বাধীনতা দিৱসৰ এটি ভিডিঅ’
অনুপম খেৰে স্বাধীনতাৰ দিৱস উপলক্ষে এটা বিশেষ ভিডিঅ’ নিৰ্মাণ কৰিছে । য’ত তেওঁ বৰ্ণনা কৰিছে ত্ৰিৰংগাৰ কাহিনী । ইয়াৰ সমান্তৰালকৈ তেওঁ কেপচনত লিখিছে, মই ত্ৰিৰংগা...... 🇮🇳🇮🇳🇮🇳🇮🇳🇮🇳, মই প্ৰায়ে ভাবো যে যদি কেতিয়াবা আমাৰ ত্ৰিৰংগাই দেশবাসীৰ আগত নিজৰ অনুভৱ প্ৰকাশ কৰাৰ সুযোগ পায়, তেন্তে ত্ৰিৰংগাই আমাক কি ক’ব ? স্বাধীনতা দিৱসৰ শুভ ক্ষণ উপলক্ষে এই ভিডিঅ’টোত আমাৰ জাতীয় পতাকাৰ হৈ দেশবাসীক সম্বোধন কৰিবলৈ চেষ্টা কৰিছো ! চাওক আৰু অধিক শ্বেয়াৰ কৰক! সকলো ভাৰতীয়লৈ স্বাধীনতা দিৱসৰ শুভেচ্ছা জনালোঁ ! জয় হিন্দ ! ভাৰত মাতৃ জীয়াই থাকক !'