চিটাৰা ডেস্ক, ২২ ছেপ্টেম্বৰ: আজি অৰ্থাৎ ২২ ছেপ্টেম্বৰৰ পৰা দেশৰ এপ’ল ষ্ট’ৰত আইফোন প্ৰ’ মেক্সৰ বিক্ৰী আৰম্ভ হৈছে । পুৱা ৩ বজাৰ পৰা মুম্বাইৰ বি কে চি ষ্ট’ৰত শাৰী পাতি থিয় হৈছে গ্ৰাহক ৷ কিন্তু ষ্ট’ৰ খোলা হৈছে পুৱা ৮ বজাত হে । সাধাৰণতে ষ্ট’ৰখন পুৱা ১১ বজাত খোলে । কিন্তু যিহেতু আজি আইফোন প্ৰ’ মেক্সৰ বিক্ৰী আৰম্ভ হৈছে সেয়েহে, পুৱা ৮ বজাত খুলিলে ষ্ট’ৰ ৷ মুম্বাইত যেন এক প্ৰকাৰে আৰম্ভ হৈছে আইফোন ১৫ প্ৰ’ মেক্স ক্ৰয়ৰ প্ৰতিযোগিতা ৷ কোনে কাৰ আগত ক্ৰয় কৰিব পাৰে এই ফোনটো ৷ মুঠৰ ওপৰত আইফোন ১৫ প্ৰ’ মেক্সক লৈ দেখা গৈছে গ্ৰাহকৰ মাজত উৎসুকতা ৷ ইফালে মুম্বাইত দেশৰ প্ৰতিটো কোণৰ পৰা গ্ৰাহক আহিছে আইফোন ১৫ প্ৰ’ মেক্স ক্ৰয় কৰিবলৈ ।
বলীউডত পোনপ্ৰথমে কোনে ক্ৰয় কৰিলে এই ফোনটো ?
বলীউডৰ জনপ্ৰিয় চলচ্চিত্ৰ পৰিচালক তথা নৃত্য পৰিচালক ফাৰাহ খানে ক্ৰয় কৰিলে আইফোন ১৫ প্ৰ’ মেক্স ৷ আইফোন ১৫ প্ৰ’ মেক্স ক্ৰয় কৰি তাৰ সৈতে নিজৰ ফটো শ্বেয়াৰ কৰিছে পৰিচালকগৰাকীয়ে । ফাৰাহ খানে ২২ ছেপ্টেম্বৰৰ পুৱা আইফোন ১৫ প্ৰ’ মেক্সৰ সৈতে প্ৰথমখন ছবি ছ’চিয়েল মিডিয়াত পোষ্ট কৰি আইফোন ১৫ প্ৰ’ মেক্সৰ বিষয়ে ক’লে কিছু কথা ।