চিটাৰা ডেস্ক, 6 এপ্ৰিল: বলীউডৰ ব্লকবাষ্টাৰ ছবি ‘পাঠান’ৰ জৰিয়তে বিশ্বজুৰি আলোড়নৰ সৃষ্টি কৰাৰ পিচত আকৌ এবাৰ ডাঙৰ পৰ্দাত একেলগে আলোড়নৰ সৃষ্টি কৰা দেখা যাব শ্বাহৰুখ খান আৰু ছলমান খানক (Tiger Vs Pathaan)। বলীউডৰ এই দুগৰাকী ছুপাৰষ্টাৰৰ সন্দৰ্ভত ‘টাইগাৰ বনাম পাঠান’ ছবিখন ঘোষণা কৰা হৈছে আৰু এই ছবিখনক লৈ সম্প্ৰতি অনুৰাগীৰ মাজত প্ৰচণ্ড উন্মাদনাৰ সৃষ্টি হৈছে ।
‘টাইগাৰ বনাম পাঠান’ যশ ৰাজ স্পাই ইউনিভাৰ্ছৰ সপ্তম একচন-থ্ৰিলাৰ ছবি হ’ব । এতিয়া এই ছবিখনৰ বিষয়ে এটা ডাঙৰ আপডেট পোৱা গৈছে । ‘পাঠান’ৰ দৰে শক্তিশালী ছবি নিৰ্মাণ কৰা পৰিচালক সিদ্ধাৰ্থ আনন্দে এই ছবিখন পৰিচালনা কৰিব বুলি জানিব পৰা গৈছে (Siddharth Anand) । হয়, শেহতীয়াকৈ খবৰ আহিছিল যে, সিদ্ধাৰ্থ আনন্দৰ পৰা ‘ৱাৰ-২’ৰ কমাণ্ড কাঢ়ি লোৱা হৈছে আৰু ইয়াৰ কাৰণ হৈছে সিদ্ধাৰ্থ আনন্দক আৰু অধিক ডাঙৰ প্ৰজেক্ট এটা দিয়া হৈছে (Tiger Vs Pathaan Siddharth Anand) ।
যশ ৰাজৰ স্বত্বাধিকাৰী আদিত্য চোপ্ৰাই টাইগাৰ বনাম পাঠান ছবিখনক ডাঙৰ পৰ্যায়ত নিৰ্মাণৰ প্ৰস্তুতি চলাইছে । ইয়াৰ বাবে যশ ৰাজ বেনাৰে ডাঙৰ বাজেট প্ৰস্তুত কৰিছে । এই ছবিখন নিৰ্মাণ কৰিবলৈ সিদ্ধাৰ্থ আনন্দে পাঠানতকৈ অধিক একচন আৰু থ্ৰিলাৰ ছবি দৰ্শকক উপহাৰ দিবলৈ সাজু হৈছে। কৰণ অৰ্জুনৰ পিচত ছলমান খান আৰু শ্বাহৰুখে একেলগে এখন ছবিত সম্পূৰ্ণ পৰ্দাৰ সময় শ্বেয়াৰ কৰিব (Salman khan and Shah rukh khan) ।
একে সময়তে যশ ৰাজে নিজৰ স্পাই ইউনিভাৰ্ছ সম্প্ৰসাৰণ কৰি আছে । ছলমান খানৰ ছবি ‘এক থা টাইগাৰ’ৰ পৰা আৰম্ভ হোৱা এই স্পাই ইউনিভাৰ্ছে এইবাৰ আটাইতকৈ ডাঙৰ ছবি নিৰ্মাণ কৰিবলৈ ওলাইছে । এতিয়ালৈকে এক থা টাইগাৰ, টাইগাৰ জিন্দা হে, ৱাৰ আৰু পাঠানে যশ ৰাজ স্পাই ইউনিভাৰ্ছক খলকনিৰ সৃষ্টি কৰিছিল । একে সময়তে এই স্পাই ইউনিভাৰ্ছত এতিয়া ছলমান খানৰ টাইগাৰ ৩, হৃত্বিক ৰোশন আৰু জুনিয়ৰ এন টি আৰ অভিনীত ছবি ৱাৰ-২ আৰু আগন্তুক বছৰত মুক্তি পাবলগীয়া ছলমান-শ্বাহৰুখৰ টাইগাৰ বনাম পাঠান ছবিখন অন্তৰ্ভুক্ত কৰা হৈছে ।
লগতে পঢ়ক:Akshay Kumar : পুষ্পা ২ ত এন্ট্ৰি হ’ব নেকি অক্ষয় কুমাৰৰ ?
