পোহৰৰ উৎসৱ দীপাৱলী (দীপাৱলী ২০২৩) সমগ্ৰ দেশতে পূৰ্ণ গতিত চলি আছে ৷ বলীউডতো দীপাৱলী পাৰ্টি অব্যাহত আছে ৷ আপোনাৰ প্ৰিয় তাৰকাসকলে সাজ-পোছাক পৰিধান কৰি এই উৎসৱ উদযাপন কৰা দেখা যায় ৷ তদুপৰি ছ’চিয়েল মিডিয়াৰ জৰিয়তেও অনুৰাগীসকলক অভিনন্দন জনাইছে বহু তাৰকাই৷ কোনে কোন ধৰণেৰে আপোনজনক 'দীপাৱলীৰ শুভেচ্ছা' জনালে জানো আহক....
মাধুৰী দীক্ষিতে দীপাৱলী পাৰ্টিৰ ছবি শ্বেয়াৰ কৰিলে
বলীউডৰ ঢক-ঢক গাৰ্ল অৰ্থাৎ মাধুৰী দীক্ষিতে শেহতীয়াকৈ তেওঁৰ ইনষ্টাগ্ৰামত কিছু ছবি শ্বেয়াৰ কৰিছে ৷ এই ছবিসমূহ শ্বেয়াৰ কৰাৰ সময়ত মাধুৰীয়ে তেওঁৰ অনুৰাগীসকলক দীপাৱলীৰ শুভেচ্ছা জনোৱা দেখিবলৈ পোৱা গৈছে৷ এই ছবিসমূহ অমৃতপাল সিঙৰ দীপাৱলী পাৰ্টিৰ ৷ য’ত স্বামীৰ বাহিৰেও অভিনেত্ৰীগৰাকীয়ে বিকি কৌশল-কেটৰিনা কাইফ, সিদ্ধাৰ্থ মালহোত্ৰা-কিয়াৰা আদৱানী, ভূমি পেডনেকাৰ আদি তাৰকাৰ সৈতে পোজ দিয়া দেখা গৈছে ৷
ছবিবোৰত মাধুৰী দীক্ষিতক বগা দীঘল পোছাক পিন্ধি দেখা গৈছে ৷ তেওঁৰ পৰম্পৰাগত সাজযোৰক তেওঁৰ অনুৰাগীয়ে অতিশয় ভাল পাইছে ৷ ছবিসমূহ শ্বেয়াৰ কৰাৰ সময়ত মাধুৰীয়ে লিখিছে – ‘@bindaamritpal ৰ দীপাৱলী পাৰ্টিত বহুত ভাল লাগিল.. সকলোকে লগ পাই ভাল লাগিল.. দীপাৱলীৰ শুভেচ্ছা থাকিল..’
কৰীণাইও জনালে দীপাৱলীৰ শুভেচ্ছা