চিটাৰা ডেস্ক, ১০ ছেপ্টেম্বৰ: দক্ষিণৰ জনপ্ৰিয় পৰিচালক এছ এছ ৰাজামৌলিৰ ছবি ‘আৰ আৰ আৰ’ পুনৰবাৰ দখল কৰিছে বাতৰিৰ শিৰোনাম । দৰাচলতে ভাৰতত চলি থকা জি-২০ সন্মিলনত অংশগ্ৰহণ কৰিবলৈ অহা ব্ৰাজিলৰ ৰাষ্ট্ৰপতি লুইজ ইনাচিঅ’ই শেহতীয়াকৈ ছবিখনৰ প্ৰশংসা কৰি কয় যে ছবিখনে তেওঁক মন্ত্ৰমুগ্ধ কৰিছে । এতিয়া ব্ৰাজিলৰ ৰাষ্ট্ৰপতিগৰাকীৰ এই মন্তব্য়ত প্ৰতিক্ৰিয়া প্ৰকাশ কৰিছে ৰাজামৌলীয়ে ।
জি-২০ সন্মিলনত ‘আৰ আৰ আৰ’ৰ প্ৰশংসা কৰিলে ব্ৰাজিলৰ ৰাষ্ট্ৰপতিয়ে
জি-২০ সন্মিলনত অংশগ্ৰহণ কৰা ব্ৰাজিলৰ ৰাষ্ট্ৰপতি লুইছ ইনাচিঅ’ই ‘আৰ আৰ আৰ’ ছবিখনৰ প্ৰশংসা কৰি কয়- ‘আৰ আৰ আৰ’ তিনি ঘণ্টীয়া বৈশিষ্ট্যপূৰ্ণ ছবি । য’ত আচৰিত নৃত্যৰ লগতে বহুতো ধেমেলীয়া দৃশ্যও দিয়া হৈছে । ছবিখনত ভাৰতীয়ৰ ওপৰত ব্ৰিটিছৰ নিয়ন্ত্ৰণক গভীৰ সমালোচনা কৰা হৈছে । মোৰ বিশ্বাস এই ছবিখন সমগ্ৰ বিশ্বতে ব্লকবাষ্টাৰ হ’ব লাগিছিল, কাৰণ যিয়েই মোৰ লগত কথা পাতে, মই তেওঁকে কওঁ, আপুনি তিনি ঘণ্টীয়া ছবি ৰিভল্ট ৰিবেলিয়ন এণ্ড ৰিভল্যুচন চাইছেনে ? ছবিখনৰ পৰিচালক আৰু অভিনেতা-অভিনেত্ৰীক অভিনন্দন জনাইছোঁ ৷ কাৰণ এই ছবিখনে মোক মন্ত্ৰমুগ্ধ কৰি তুলিছিল ৷
লুইছ ইনাচিঅ’ক ধন্যবাদ জনালে এছ এছ ৰাজামৌলিয়ে