চিটাৰা ডেস্ক, 11 অক্টোবৰ :শতিকাৰ মেগাষ্টাৰ অমিতাভ বচ্চনে 11 অক্টোবৰত 80 সংখ্যক জন্মদিন উদযাপন কৰিছে । বিশেষ দিনটোত বলীউডৰ চেলেব্ৰিটী আৰু অভিনেতাজনৰ অনুৰাগীসকলে বিগবিৰ জন্মদিনত অভিনন্দন জনাইছে ।
জনপ্ৰিয় অভিনেতাজনে অনুপম খেৰে লিখিছে, "শ্ৰদ্ধাৰ অমিত জী ! আপোনাক জন্মদিনৰ আন্তৰিক শুভেচ্ছা জ্ঞাপন কৰিলোঁ । ভগৱানে আপোনাক এটা দীৰ্ঘ আৰু সুস্থ জীৱন প্ৰদান কৰক । আপুনি কেৱল এজন অভিনেতা হিচাপেই মোৰ বাবে প্ৰেৰণা নহয় ! বৰঞ্চ “Aakhree Raasta”ৰ পৰা “Uunchai” লৈকে আপোনাৰ লগত কাম কৰি জীৱনৰ বিভিন্ন দিশৰ বিষয়ে জানিব পাৰিছো !
অজয় দেৱগণেও বিগবিৰ জন্মদিনত অভিনন্দন জনাইছে । অজয়ে লিখিছে, "80 সংখ্যক জন্মদিনৰ শুভেচ্ছা জ্ঞাপন কৰি আগন্তুক এটা সুন্দৰ বছৰৰ কামনা কৰিছো, আপুনি সঁচাকৈয়ে আমাৰ বাবে এক প্ৰেৰণা" ।
অমিতাভ বচ্চনৰ নাতি নব্যানন্দাই লিখিছে, "কেতিয়াও ভাগৰি নাযাবা, কেতিয়াও ৰৈ নাযাবা, কেতিয়াও ঘূৰি নাযাবা, কৰ শপত, কৰ শপত, কৰ শপত, অগ্নিপথ অগ্নিপথ অগ্নিপথ" ।