চিটাৰা ডেস্ক, 29 অক্টোবৰ : বক্স অফিচত হতাশাজনক আৰম্ভণিৰ পিচত কংগনা ৰানাৱটৰ একচন ছবি ‘তেজস’ গতি লাভ কৰাত ব্যৰ্থ হৈছে । 27 অক্টোবৰত অৰ্থাৎ শুকুৰবাৰে ডাঙৰ পৰ্দাত মুক্তি লাভ কৰিছিল এই ছবিখন ৷ ইণ্ডাষ্ট্ৰী ট্ৰেকাৰ সেকনিল্কৰ মতে, প্ৰথম দিনা ছবিখনে 1.25 কোটি টকাৰে বক্স অফিচত খাতা খোলে ৷ কিন্তু দুৰ্ভাগ্যজনকভাৱে শনিবাৰে ছবিখনৰ উন্নতিৰ কোনো লক্ষণ দেখা নগ’ল ।
‘তেজস’ ছবিখনে বিধু বিনোদ চোপ্ৰাৰ ছবি ‘12th fail’ ৰ সৈতে কঠোৰ প্ৰতিযোগিতাৰ সন্মুখীন হ’বলগীয়া হৈছে, যাৰ সংগ্ৰহ বক্স অফিচত 100% বৃদ্ধি পাইছিল । তেজসৰ দৰে ‘12th fail’ ছবিখনো বক্স অফিচত লেহেমীয়া আৰম্ভণি হৈছিল আৰু শুকুৰবাৰে 1.10 কোটি টকা উপাৰ্জন কৰিছিল । অৱশ্যে শনিবাৰে 2.20 কোটি টকা উপাৰ্জন কৰি তেজসৰ সংগ্ৰহ অতিক্ৰম কৰিবলৈ সক্ষম হয় ।
তেজসৰ এই পৰ্যন্তৰ উপাৰ্জন কিমান হৈছে ?
'তেজস'ৰ মুকলি দিনটোত দেশজুৰি 1.25 কোটি টকা সংগ্ৰহ কৰে । দ্বিতীয় দিনা 1.31 কোটি টকা সংগ্ৰহ কৰে । ইণ্ডাষ্ট্ৰী ট্ৰেকাৰ সেকনিল্কৰ মতে ছবিখনে তৃতীয় দিনটোত 1.50 কোটি টকা উপাৰ্জন কৰিব পাৰে । যদি এনে হয় তেন্তে ইয়াৰ লগে লগে ছবিখনৰ মুঠ তিনিদিনীয়া সংগ্ৰহ হ’বগৈ 4.06 কোটি টকা ।
ইয়াৰ পূৰ্বে 4 খন ছবি ফ্লপ হৈছিল কংগনাৰ
উল্লেখ্য যে, তেজস ছবিখনৰ ডাঙৰ বাজেট আৰু প্ৰচাৰৰ পিচতো আশা কৰা ধৰণে সফলতা লাভ কৰিব নোৱাৰিলে । কংগনা ৰানাৱট আৰু তেজসৰ প্ৰযোজক আৰ এছ ভি পি মুভিজৰ বাবে এইটো এটা ডাঙৰ ক্ষতি কাৰণ ছবিখন বৃহৎ বাজেটেৰে নিৰ্মাণ কৰা হৈছিল । বক্স অফিচত ধাৰাবাহিকভাৱে ফ্লপৰ সৈতে যুঁজি থকা কংগনাৰ বাবে এয়া ডাঙৰ হতাশাজনক খবৰ ।