চিটাৰা ডেস্ক, 24 এপ্ৰিল : আয়ুষ্মান খুৰানা আৰু অনন্যা পাণ্ডেৰ অভিনীত আগন্তুক ৰোমান্টিক কমেডী ছবি ড্ৰিম গাৰ্ল ২ ৰ মুক্তিৰ তাৰিখ সলনি কৰা হৈছে (Dream Girl 2 release date pushed) ৷ ছবিখনৰ মুক্তিৰ তাৰিখ আগষ্ট মাহলৈ পিছুৱাই দিয়া হৈছে । সোমবাৰে ছ’চিয়েল মিডিয়াৰ জৰিয়তে নিৰ্মাতাসকলে ঘোষণা কৰে ড্ৰিম গাৰ্ল ২ ৰ নতুন মুক্তিৰ তাৰিখ । পূৰ্বে ৭ জুলাইত ছবিখন ডাঙৰ পৰ্দাত মুক্তি পোৱাৰ কথা আছিল যদিও এতিয়া আগষ্টত ছবিগৃহত মুক্তি লাভ কৰিব ছবিখন (Dream Girl 2 new release date)।
ড্ৰিম গাৰ্ল ২ ছবিখন একতা কাপুৰৰ চলচ্চিত্ৰ প্ৰডাকচন বেনাৰ বালাজী মোচন পিকচাৰ্ছত নিৰ্মিত হৈছে । বেনাৰটোৰ ছ’চিয়েল মিডিয়া একাউন্টত এটা পোষ্টৰ জৰিয়তে ঘোষণা কৰা হয় ড্ৰিম গাৰ্ল ২ মুক্তিৰ নতুন তাৰিখ (Dream Girl 2 release clash) । সংশোধিত তাৰিখৰ আপডেটটো শ্বেয়াৰ কৰি মেকাৰসকলে পূজা ওৰফে আয়ুষ্মানৰ প্ৰেমিকসকলক উদ্দেশ্যি এটা পোষ্ট শ্বেয়াৰ কৰি লিখিছে, " Pachees badi hai mast mast, kyunki @pooja___dreamgirl aa rahi hai on 25 अगस्त #PoojaKiKissOnAug25 #DreamGirl2 releasing। ২৫ আগষ্টত ছবিগৃহত মুক্তি লাভ কৰিব ছবিখন ।"
ড্ৰিম গাৰ্ল ২ হৈছে ২০১৯ চনত মুক্তি পোৱা আয়ুষ্মানৰ ছবি ড্ৰিম গাৰ্লৰ ছিকুৱেল যিটো বক্স অফিচত হিট হিচাবে পৰিগণিত হৈছিল। আয়ুষ্মান আৰু অনন্যাৰ উপৰিও দ্বিতীয় খণ্ডত আছৰানী, অনন্নু কাপুৰ, পৰেশ ৰাৱাল, মনজোৎ সিং আৰু বিজয় ৰাজ আদিয়েও অভিনয় কৰিছে (Dream Girl 2 release clash with jawan) ।