চিটাৰা ডেস্ক, ৩ জানুৱাৰী: শূৰা খানৰ সৈতে শেহতীয়াকৈ বিবাহপাশত আৱদ্ধ হয় অৰবাজ খান ৷ কিন্তু অৰবাজৰ বিয়াত সবাতোকৈ চৰ্চা লাভ অৰবাজ খান আৰু মালাইকা অৰোৰাৰ পুত্ৰ অৰহান খানে ৷ এতিয়া পিতৃৰ বিয়াৰ পিচত আকৌ এবাৰ বাতৰিৰ শিৰোনাম দখল কৰিছে অৰহানে ৷ দৰাচলতে এগৰাকী জনপ্ৰিয় অভিনেত্ৰীৰ কন্যাক অৰহানে ডেট কৰা বুলি বাতৰি বিয়পি পৰিছে ৷ আচলতে অৰহানক শেহতীয়াকৈ মুম্বাইত দেখা গৈছিল বলীউডৰ অভিনেত্ৰী ৰবীনা টেণ্ডনৰ কন্যা ৰাশা থাডানীৰ সৈতে । তেওঁলোকৰ ভিডিঅ’ ভাইৰেল হোৱাৰ পিচতে নেটিজেনে তেওঁলোকে ডেটিং কৰা বুলি জল্পনা-কল্পনা কৰিছে ।
অৰহান খান আৰু ৰাশা থাডানীক একেলগে দেখা গ’ল
অৰহান খান আৰু ৰাশা থাডানীক মুম্বাইৰ ৰাজপথত একেলগে খোজ কাঢ়ি থকা দেখা গৈছিল । এই সময়চোৱাত অৰহানক বগা টি-চাৰ্ট আৰু বাদামী ৰঙৰ ট্ৰাউজাৰ পৰিধান কৰা দেখা গৈছিল, আনহাতে ৰাশাক ডেনিম ব্লু জিন্সৰ সৈতে ক’লা অফ শ্বোল্ডাৰ টপ পৰিধান কৰা দেখা গৈছিল । দুয়ো ষ্টাৰ কিডকে নিজৰ গাড়ীৰ ফালে দ্ৰুতগতিত আগবাঢ়ি যোৱা দেখা গৈছিল যদিও পাপাৰাজী কেমেৰাৰ পৰা সাৰি যাব নোৱাৰিলে । অৱশ্যে দুয়ো ভাল বন্ধুও হ’ব পাৰে, কিন্তু ছ’চিয়েল মিডিয়াত তেওঁলোকৰ ভিডিঅ’ ভাইৰেল হোৱাৰ পিচৰে পৰা তেওঁলোকে ডেট কৰা বুলি চৰ্চা লাভ কৰিছে ।
অৰহানৰ পিতৃ অৰবাজৰ দ্বিতীয় বিয়াত অংশ লৈছিল ৰাশাই