চিটাৰা ডেস্ক, 9 ছেপ্টেম্বৰ :এছিয়া কাপৰ পৰা বাহিৰ হৈ থকা টিম ইণ্ডিয়াই আফগানিস্তানৰ বিৰুদ্ধে অন্তিমখন খেল খেলিছিল । এই মেচখনত টিম ইণ্ডিয়াই জোৰদাৰ বেটিং কৰি 20 অভাৰত বিপক্ষ দলক 213 ৰানৰ টাৰ্গেট দিয়ে । এই মেচখনত বিৰাট কোহলীয়ে অপৰাজিত শতক অৰ্জন কৰে ৷ ভাৰতে বৃহৎ ব্যৱধানত জয় অৰ্জন কৰে ।
বিৰাটৰ শতক অৰ্জনৰ পিছতেই অনুষ্কা শৰ্মাই ছ’চিয়েল মিডিয়াত মৰম প্ৰকাশ কৰি পোষ্ট কৰিছে । শতক অৰ্জন কৰাৰ লগে লগে বিৰাট কোহলীয়ে অনুষ্কা শৰ্মাক ধন্যবাদ যাঁচি নিজৰ মনৰ ভাৱ প্ৰকাশ কৰে ৷ এই শতক তেওঁ পত্নী আৰু ভামিকাৰ নামত উছৰ্গা কৰে ৷ পত্নী অনুষ্কায়ো বিৰাটৰ নামত দিলে এটা মৰমলগা পোষ্ট ৷
বিৰাটে 33 মাহৰ পাছত এটা শতক অৰ্জন কৰিছে আৰু তেওঁৰ এই শতকৰ পিছত 71 টা শতক সম্পূৰ্ণ হয় ( Virat Kohli century in Asia Cup)। অনুষ্কা শৰ্মাই নিজৰ ইনষ্টাগ্ৰামত স্বামী বিৰাট কোহলীৰ ফটো শ্বেয়াৰ কৰি মৰম প্ৰকাশ কৰিছে । তেওঁ লিখিছে, প্ৰতিটো পৰিস্থিতিতে মই তোমাৰ লগত থাকিম (Anushka Sharma instagram) । অনুষ্কাৰ এই পোষ্টটোত বিৰাট কোহলীয়েও কমেণ্ট কৰিছে ।