এনিমেলে এতিয়ালৈকে বিশ্বজুৰি কিমান উপাৰ্জন কৰিলে ?

Animal Box Office Collection Day 6: ঘৰুৱা বক্স অফিচত ৩০০ কোটি টকাৰ ক্লাবত যোগদান কৰিলে এনিমেলে ৷ ৰণবীৰ কাপুৰৰ ছবিখনে ষষ্ঠ দিনটোত কিমান উপাৰ্জন কৰিলে জানো আহক এই প্ৰতিবেদনত ৷

চিটাৰা ডেস্ক, ৭ ডিচেম্বৰ: ৰণবীৰ কাপুৰ অভিনীত ছবি 'Animal'এ বক্স অফিচত প্ৰতিদিনে নতুন অভিলেখ গঢ়িবলৈ সক্ষম হৈছে । কেৱল ঘৰুৱা বক্স অফিচতে নহয়, বিশ্বজুৰি এই ছবিখনে ঢৌ তুলিছে । ৰণবীৰ কাপুৰৰ ছবিখনে ৫ দিনত বিশ্বজুৰি ৫০০ কোটি টকাৰ সীমা অতিক্ৰম কৰাৰ বিপৰীতে ভাৰততো ছবিখনে ৩০০ কোটি টকাৰ ক্লাবত যোগদান কৰিছে ।

'এনিমেল' মুক্তিৰ আজি ৭ দিন হ’ল আৰু ছবিখনে প্ৰতিদিনে বক্স অফিচত কোটি কোটি টকা উপাৰ্জন কৰি আছে । ছেকনিল্কৰ প্ৰতিবেদন অনুসৰি, ‘এনিমেল’এ পঞ্চম দিনত ৩৭.৪৭ কোটি টকাৰ ব্যৱসায় কৰিছিল, এতিয়া ষষ্ঠ দিনৰ উপাৰ্জনৰ তথ্যও প্ৰকাশ পাইছে । ষষ্ঠ দিনৰ প্ৰতিবেদন অনুসৰি ছবিখনে এতিয়ালৈকে ষষ্ঠ দিনটোত ৩০.০০ কোটি টকা উপাৰ্জন কৰিছে আৰু ইয়াৰ লগে লগে ছবিখনৰ মুঠ উপাৰ্জন হৈছেগৈ ৩১২.৯৬ কোটি টকা ।

প্ৰথম দিন- ৬৩.৮ কোটি টকা

দ্বিতীয় দিন - ৬৬.২৭ কোটি টকা

তৃতীয় দিন - ৭১.৪৬ কোটি টকা

চতুৰ্থ দিন - ৪৩.৯৬ কোটি টকা

পঞ্চম দিন - ৩৭.৪৭ কোটি টকা

ষষ্ঠ দিন - ৩৭.৪৭ কোটি টকা

মুঠ - ৩১২.৯৬ কোটি টকা

পিতৃ-পুত্ৰৰ সম্পৰ্কৰ কাহিনী এনিমেল

পিতৃ-পুত্ৰৰ মাজত এক আমোদজনক সম্পৰ্কৰ কাহিনী ‘এনিমেল’ । ছবিখনত ৰণবীৰ কাপুৰক মুখ্য চৰিত্ৰত দেখা পোৱাৰ বিপৰীতে অনিল কাপুৰে পিতৃৰ চৰিত্ৰত অভিনয় কৰিছে । ইয়াৰ উপৰিও ছবিখনত ৰশ্মিকা মন্দন্না, ববি দেওল আৰু ত্ৰুপ্তি ডিমৰীয়েও গুৰুত্বপূৰ্ণ চৰিত্ৰত অভিনয় কৰা দেখা গৈছে । ৰণবীৰৰ উপৰিও ছবিখন খলনায়কৰ চৰিত্ৰত অভিনয় কৰা ববি দেওলৰ অভিনয়কো যথেষ্ট প্ৰশংসা কৰিছে অনুৰাগীয়ে ৷ ইফালে ত্ৰুপ্তি ডিমৰীৰ অভিনয়কো যথেষ্ট প্ৰশংসা কৰে অনুৰাগীয়ে ৷

লগতে পঢ়ক:উপাৰ্জনৰ ক্ষেত্ৰত গদৰ ২, পাঠান, কে জি এফ ২ ক চেৰ পেলালে এনিমেলে