চিটাৰা ডেস্ক, 8 মাৰ্চ: আজি ৰঙৰ উৎসৱ ফাকুৱা (Holi 2023) ৷ ফাকুৱা উপলক্ষে দেশজুৰি বিৰাজ কৰিছে এক উখল-মাখল পৰিৱেশ ৷ চাৰিওফালে কেৱল উৎসৱমুখৰ পৰিৱেশ ৷ বলীউডৰ বিভিন্ন অভিনেতা-অভিনেত্ৰীসকলেও উদযাপন কৰিছে হোলী ৷ অভিনেতা-অভিনেত্ৰীসকলে কেৱল হোলী উদযাপন কৰাই নহয়, হোলীৰ উদযাপনৰ ফটো অনুৰাগীৰ বাবে শ্বেয়াৰ কৰিছে ছ’চিয়েল মিডিয়াত ৷ অন্যান্য চেলিব্ৰিটিৰ লগতে অভিনেত্ৰী ছানী লিয়নীয়েও অনুৰাগীৰ বাবে ছ’চিয়েল মিডিয়াত শ্বেয়াৰ কৰিছে হোলী উদযাপনৰ কেইখনমান ফটো ৷
ছানী লিয়নীয়ে নিজৰ ইনষ্টাগ্ৰাম অফিচিয়েল একাউন্টত শ্বেয়াৰ কৰিছে হোলীৰ ফটো (Sunny Leone celebrates Holi) ৷ পৰিয়াল তথা ঘনিষ্ঠ বন্ধুবৰ্গৰ সৈতে হোলী উদযাপনৰ বিশেষ কেইখনমান ফটো শ্বেয়াৰ কৰিছে ছানী লিয়নীয়ে । হোলীৰ ফটো শ্বেয়াৰ কৰি ছানীয়ে লিখিছিল,"হোলী পাৰ্ট 1 ! So much fun"৷ ইফালে ছানীয় ইনষ্টাগ্ৰামত ফটো পোষ্ট কৰা লগে লগেই অনুৰাগীসকলেও হোলীৰ শুভেচ্ছা জ্ঞাপন কৰে ছানীক ৷
ছানীয়ে হোলী লুকৰ বাবে বাছি লৈছিল বগা কুৰ্তিৰ সৈতে দুপাট্টা ৷ ছানীৰ সৈতে স্বামী ডেনিয়েল আৰু তিনি সন্তানেও বগা সাজ পৰিধান কৰিছিল ৷ ছানি আৰু ডেনিয়েলৰ তিনি সন্তান ক্ৰমে নিশা, নোহ আৰু আশ্বাৰেও অতি আনন্দৰে হোলী উদযাপন কৰা পৰিলক্ষিত হয় (Sunny Leone Holi Pics) ৷