পূৰ্ণগতিত ভোটদান বোকাখাতৰ এটা ব্যতিক্ৰমী কেন্দ্ৰত

বোকাখাতৰ এটা ভোটকেন্দ্ৰত সমাগম বহু ভি আই পি ভোটাৰ

বোকাখাত, ১১এপ্ৰিলঃ ৰাজ্যত চলি আছে প্ৰথম পৰ্যায়ৰ ভোটগ্ৰহণ প্ৰক্ৰিয়া। ইতিমধ্যেই পুৱাৰে পৰা অসমৰ 5 টাকৈ সমষ্টিত পূৰ্ণগতিত চলি থকা প্ৰথম পৰ্যায়ৰ ভোটগ্ৰহণ প্ৰক্ৰিয়া সম্পন্ন হোৱাৰ পথত। অন্য সমষ্টিৰ দৰে বোকাখাতৰ ভোটকেন্দ্ৰটো চলি আছে ভোটদান প্ৰক্ৰিয়া । বোকাখাতৰ জ্যোতিপুৰস্থিত 81নং জ্যোতি বিদ্যাপীঠ ভোটকেন্দ্ৰটোত সমাহাৰ ঘটিছে বহু ভি আই পি ভোটাৰৰ। কেন্দ্ৰটোত ভোটদানৰ শুভাৰম্ভণী কৰে কলিয়াবৰ লোকসভা সমষ্টিৰ নিৰ্দলীয় প্ৰাৰ্থী তথা বোকাখাত সমষ্টিৰ দুবাৰৰ প্ৰাক্তন বিধায়ক জিতেন গগৈয়ে। তদুপৰি অসম চৰকাৰৰ কেবিনেট মন্ত্ৰী অতুল বৰাইও এই কেন্দ্ৰতেই ভোটাধিকাৰ সাব্যস্ত কৰে। একেদৰে অসম বিধানসভাৰ প্ৰাক্তন উপাধ্যক্ষ বলোভদ্ৰ তামুলীক এই কেন্দ্ৰত ভোটদান কৰা পৰিলক্ষিত হয় ।