ছয়গাঁৱত আৰক্ষীৰ জালত ড্ৰাগছসহ এজন সৰবৰাহকাৰী

ছয়গাঁৱৰ জোৰশিমুলীত আৰক্ষীয়ে আটক কৰিলে ষাঠিৰোৰ্ধৰ এজন ড্ৰাগছ সৰবৰাহকাৰীক ৷ ধৃত ড্ৰাগছ সৰবৰাহকাৰী জনৰ নাম আব্বাছ আলী ৷

বকো,27 এপ্ৰিল:ৰাজ্যত অব্যাহত আছে ড্ৰাগছৰ এখন ৰমৰমীয়া বেহা ৷ এক দুষ্ট চক্ৰই ৰাজ্যৰ বিভিন্ন প্ৰান্তত চলাই গৈছে ড্ৰাগছৰ চোৰাং বেহা ৷ শেহতীয়াকৈ মঙলবাৰে কামৰূপ জিলাৰ ছয়গাঁৱৰ জোৰশিমুলীতো পোহৰলৈ আহিছে তেনে এটা ঘটনা ৷

উল্লেখ্য যে, এটা গোপন সূত্ৰৰ পম খেদি মঙলবাৰে বকোৰ ছয়গাঁৱৰ জোৰশিমুলীত আৰক্ষীয়ে ড্ৰাগছৰ বিৰুদ্ধে এটা অভিযান চলাই ৷ আৰক্ষীৰ এই অভিযানত জোৰশিমুলীৰ পুৰাণকুচীয়াৰ পৰা বৃহৎ পৰিমাণৰ ড্ৰাগছ সহ এজন সৰবৰাহকাৰীক আটক কৰে । ধৃত ড্ৰাগছ সৰবৰাহকাৰীটোৰ নাম আব্বাছ আলী (৬০)।

আব্বাছ আলীৰ পৰা আৰক্ষীয়ে 400 গ্ৰাম ব্ৰাউন চুগাৰৰ লগতে ৫৪ টা কন্টেইনাৰো জব্দ কৰে । দীৰ্ঘদিন ধৰি চোৰাং ড্ৰাগছ সৰবৰাহৰ সৈতে আব্বাছ আলী জড়িত আছিল বুলি আৰক্ষী সূত্ৰে জানিব পৰা গৈছে । অধিক তথ্যৰ বাবে তদন্ত অব্য়াহত ৰাখিছে আৰক্ষীয়ে ৷

লগতে পঢ়ক-চাবুৱাত ধোঁৱাচাঙত উঠিল ক'ভিড প্ৰট'কল