শদিয়া, 30 এপ্ৰিল: এক গোপন সূত্ৰৰ পম খেদি তিনিচুকীয়া জিলাৰ আৰক্ষীৰ উপ পৰিদৰ্শক কপিল চন্দ্ৰ দাসৰ নেতৃত্বত শুকুৰবাৰে আৰক্ষীৰ এটা দলে তালাপ অঞ্চলত এক অভিযান চলায় ৷ আৰক্ষীৰ অভিযানত তালাপ অঞ্চলৰ লাইনা গাঁৱৰ পৰা সঞ্জীৱ ওৰফে পাইকু সোনোৱাল, শদিয়াৰ চেংছাপ গাঁৱৰপুতুল চাবুকধৰা আৰু শিৱসাগৰৰ নেমুগুৰিৰ মহখুলী চাহ বাগিচাৰ পৰা প্ৰাণজিৎ দুৱাৰা নামৰ তিনিজনকৈ লোকক মানৱ সৰবৰাহৰ অভিযোগত আটক কৰে আৰক্ষীয়ে ৷
অৰুণাচলৰ দুৰ্গম অঞ্চলৰ পৰা 17 জনকৈ যুৱকক উদ্ধাৰ আৰক্ষীৰ
উল্লেখ্য যে, ধৃত লোক কেইজনে তিনিচুকীয়াৰ চামগুৰি আৰু গাখীৰভেটী গাঁৱৰ 17 জনকৈ যুৱকক বিভিন্ন প্ৰলোভন দি অৰুণাচল প্ৰদেশৰ দুৰ্গম অঞ্চলত আবদ্ধ কৰি ৰাখিছিল বুলি জানিব পৰা গৈছে ৷