New Assamese Film Ganga : প্ৰস্তুতি পৰাশৰ-অৰূপ বৈশ্যই পূৰ্ণোদ্যমে চলাইছে গংগাৰ প্ৰচাৰ

ছবিৰ প্ৰচাৰৰ বাবে অসমৰ বিভিন্ন ঠাই ঘূৰি ফূৰিছে অসমীয়া ছবি জগতৰ দুই তাৰকা প্ৰস্তুতি পৰাশৰ আৰু অৰূপ বৈশ্যই ৷ ৰাইজৰ বিপুল সঁহাৰি দেখি উৎফুল্লিত হৈ পৰিছে দুয়ো (New Assamese Film Ganga) গৰাকী অভিনেতা-অভিনেত্ৰী ৷ তেজপুৰৰ প্ৰচাৰ অভিযানতো দৰ্শক তথা ৰাইজৰ ব্যাপক সঁহাৰি দেখি উৎফুল্লিত হৈ পৰিল অভিনেত্ৰী প্ৰস্তুতি পৰাশৰ ৷

তেজপুৰ, 28 এপ্ৰিল :তেজপুৰ মহাবিদ্যালয়ত "গংগা এখনি বোৱতী হিয়া" শীৰ্ষক বোলছবিখনৰ প্ৰচাৰৰ বাবে উপস্থিত হ’ল অসমীয়া বোলছবি জগতৰ দুজন জনপ্ৰিয় তাৰকা অৰূপ বৈশ্য আৰু প্ৰস্তুতি পৰাশৰ (New Assamese Film Ganga) ৷ প্ৰচাৰৰ সময়ত ছবিখনত অভিনয় কৰা দুগৰাকী শিশুশিল্পীয়ে মহাবিদ্যালয়খনৰ ছাত্ৰ-ছাত্ৰী আৰু অধ্যক্ষসকলক যথেষ্ট নৃত্য-গীতৰ মাধ্যমৰে মনোৰঞ্জন যোগোৱা দেখা গ’ল ৷

ছবি গংগাৰ প্ৰচাৰ অভিযান

"গংগা-এখনি বোৱতী হিয়া" ছবিখনক লৈ আশাবাদী ছবিখনৰ লগত জড়িত প্ৰতিগৰাকী শিল্পী ৷ অসমীয়া ছবি জগতৰ উদ্যোগটোৰ উন্নতিৰ বাবে অসমীয়াই উঠি-পৰি লাগিব বুলি মত প্ৰকাশ কৰে অভিনেত্ৰী প্ৰস্তুতি পৰাশৰে (Assamese Film of 2022) ৷ দাক্ষিণাত্যৰ ছবিৰ দৰে অসমীয়া ছবিৰ স্থিতি সুদৃঢ় কৰিবলৈ প্ৰতিগৰাকী অসমীয়াই আন ভাষাৰ ছবিৰ লগতে প্ৰথমতে অসমীয়া ছবি উপভোগ কৰিব বিচাৰিব লাগিব বুলিও সদৰি কৰে অভিনেত্ৰী গৰাকীয়ে ৷

ক’ভিড সৃষ্ট পৰিৱেশৰ পিছত অসমীয়া আৱেগ লৈ এখন পূৰ্ণাংগ ছবি দৰ্শকৰ মাজলৈ অহা বুলি প্ৰকাশ কৰে অভিনেতা অৰূপ বৈশ্যই ৷ তেওঁলোকে মহাবিদ্যালয়খনত উপস্থিত হৈ সকলোকে ছবিখন উপভোগ কৰিবলৈ আহ্বান জনায় ৷ গংগা এখনি বোৱতী হিয়াই 6 মে’ত মুক্তি লাভ কৰিব (Assamese movie Ganga release date) ৷

তেজপুৰত অভিনেত্ৰী প্ৰস্তুতি পৰাশৰ

লগতে পঢ়ক:New assamese film Ganga : ৰাইজৰ অভূতপূৰ্ব সঁহাৰিত আপ্লুত টীম গংগা