নলবাৰী, 31 অক্টোবৰ :নলবাৰী জিলাৰ মুকালমুৱাত দেওবাৰে আৰক্ষীয়ে পুনৰ বৃহৎ পৰিমাণৰ ড্ৰাগছসহ এজন সৰবৰাহকাৰীক আটক কৰে । মুকালমুৱা আৰক্ষী থানাৰ ভাৰপ্ৰাপ্ত আৰক্ষী বিষয়া সীমান্ত বৰাৰ নেতৃত্বত এটা দলে গোপন সূত্ৰৰ ভিত্তিত অভিযান চলাই ড্ৰাগছসহ সৰবৰাহকাৰীকো আটক কৰে ৷ আটকাধীন ড্ৰাগছ সৰবৰাহকাৰীটো শ্বাহ জামাল আলম বুলি জানিব পৰা হৈছে ।
ড্ৰাগছসহ আটক সৰবৰাহকাৰী
শ্বাহ জামাল আলমে এখন চাৰিচকীয়া বাহনত ড্ৰাগছখিনি লৈ গুৱাহাটীৰ পৰা বৰপেটা অভিমুখে গৈ থকা অৱস্থাত মুকালমুৱাৰ বামুণবড়ীত আৰক্ষীয়ে আটক কৰে সৰবৰাহকাৰীটোক । ড্ৰাগছ সৰবৰাহকাৰীটোৰ পৰা 24.34 গ্ৰাম ড্ৰাগছ জব্দ কৰে ৷ আনহাতে মুকালমুৱা আৰক্ষীয়ে জব্দ কৰা চাৰিকচীয়া বাহনখনৰ নম্বৰ AS 01 BM 2086 ।