নলবাৰীত জাতীয়তাবাদী যুৱ ছাত্ৰ পৰিষদৰ প্ৰতিবাদ

নলবাৰীত অসম জাতীয়তাবাদী যুৱ ছাত্ৰ পৰিষদৰ জিলা কৃষি বিষয়াৰ কাৰ্যালয়ত প্ৰতিবাদ । কৃষকক পৰ্যাপ্ত পৰিমাণৰ বীজ আৰু ৰাসায়নিক সাৰ সময়ত যোগান নধৰা আৰু ৰাসায়নিক সাৰৰ অত্যাধিক মূল্যবৃদ্ধিৰ প্ৰতিবাদ কৰে সংগঠনটোৱে ৷

নলবাৰী, 15 জুন :সোমবাৰে কৃষি বিভাগ হায় ! হায় ! অতুল বৰা হায় হায় ! শ্ল'গানেৰে নলবাৰী জিলাত অসম জাতীয়তাবাদী যুৱ ছাত্ৰ পৰিষদে উত্তাল প্ৰতিবাদ প্ৰতিবাদ সাব্যস্ত কৰে । কৃষকক পৰ্যাপ্ত পৰিমাণৰ বীজ আৰু ৰাসায়নিক সাৰ সময়ত যোগান নধৰা আৰু ৰাসায়নিক সাৰৰ অত্যাধিক মূল্যবৃদ্ধিৰ প্ৰতিবাদ সংগঠনটোৰ নলবাৰী জিলা সমিতিয়ে ধৰ্ণা কাৰ্য্যসূচীৰ জৰিয়তে সাব্যস্ত কৰে ৷

কৃষি সামগ্ৰীৰ মূল্যবৃদ্ধিৰ ওপৰত বিভাগীয়ভাৱে কোনো নিয়ন্ত্ৰণ নোহোৱাৰ অভিযোগ উত্থাপন কৰে ছাত্ৰ সংগঠনটোৰ শতাধিক কৰ্মীয়ে ৷ উল্লেখ্য যে, বছৰ বছৰ ধৰি নলবাৰীৰ কৃষি বিষয়াৰ কাৰ্যালয়লৈ কৃষকৰ বাবে অহা বীজ আৰু ৰাসায়নিক সাৰ এচাম মধ্যভোগীয়ে বজাৰত গোপনে বিক্ৰী কৰাৰ অভিযোগ উত্থাপন কৰে সংগঠনটোৰ বিষয়ববীয়াই ৷

ইফালে প্ৰতিবাদস্থলীত কৃষি বিষয়া উপস্থিত হৈ কৃষকক অতি শীঘ্ৰে বীজ আৰু ৰায়ানিক সাৰ যোগান ধৰাৰ আশ্বাস প্ৰদান কৰি ৰাসায়নিক সাৰৰ বৰ্ধিত মূল্য ৰোধৰ ক্ষেত্ৰতো বিভাগীয়ভাৱে ব্যৱস্থা লোৱাৰ কথা সদৰি কৰে ।

ৰাসায়নিক সাৰৰ দোকানত চৰকাৰে পোজ মেচিন লগোৱাটো বাধ্যতামূলক বুলিও সদৰি কৰে কৃষি বিষয়াগৰাকীয়ে ৷ নিয়ম উলংঘা কৰা ব্যৱসায়ীৰ বিৰুদ্ধে ব্যৱস্থা গ্ৰহণ কৰা হ'ব বুলি জনায় কৃষি বিষয়াগৰাকীয়ে ৷

লগতে পঢ়ক :অসমৰ ৩৭৯ টা ষ্টাৰ্ট-আপলৈ বাণিজ্য মন্ত্ৰণালয়ৰ স্বীকৃতি প্ৰদান