পুৱাই ৰাজেন গোহাঁইৰ ঘৰত ৰূপক শৰ্মা

একেখন মঞ্চতে বহি বহু সভা সমিতিত অংশগ্ৰহণ কৰা ৰাজেন ৰূপকৰ সম্পৰ্কৰ মাজত মেলিছে বৃহৎ ফাট ।

নগাঁও,26মাৰ্চ: ৰাজেন গোহাঁইৰ আৰ্শীবাদ ল'বলৈ গৈ সুদা মুখে উভটিল নগাঁৱৰ বিজেপি মনোনীত প্ৰাৰ্থী ৰূপক শৰ্মা৷ সোমবাৰে মাজনিশা নগাঁৱত বিজেপিৰ প্ৰাৰ্থী ৰূপক শৰ্মাৰ টিকট চূড়ন্ত হোৱাৰ পাচতে মঙলবাৰে পুৱাই শৰ্মা উপস্থিত হৈছিলগৈ ৰাজেন গোঁহাইৰ বাসগৃহত৷ আৰ্শীবাদ ল'বলৈ যোৱা শৰ্মাক অৱশ্যে প্ৰাৰ্থিত্বৰ পৰা বঞ্চিত ৰাজেন গোহাঁইয়ে সাক্ষাৎ নিদিলে৷ দুদিন পূৰ্বলৈকে একেখন মঞ্চতে বহি বহু সভা সমিতিত অংশগ্ৰহণ কৰা ৰাজেন ৰূপকৰ মাজত এতিয়া মেলিছে বৃহৎ ফাট। যাৰ বাবে ৰাজেন গোহাঁইক সাক্ষাৎ কৰিবলৈ যোৱা ৰূপক শৰ্মাই গোহাঁই পুত্ৰক সাক্ষাৎ কৰিয়ে উভতিবলগীয়া হ'ল।