নৈত সন্ধানহীন যুৱকক বিচাৰি হাহাকাৰ ৰাইজৰ !

হাৰিয়া নদীত গা ধুবলৈ গৈ সন্ধানহীন এজন যুৱক। ইতিমধ্যে যুৱক জনক উদ্ধাৰ কৰিবলৈ ৰাইজে উদ্ধাৰ অভিযান আৰম্ভ কৰিছে ৷

বঢ়মপুৰ, 4 জুলাইঃ নগাঁও জিলাৰ বঢ়মপুৰৰ বৰকলা হাৰিয়া দলঙৰ সমীপত সংঘটিত হয় এটা অঘটন । হাৰিয়া নদীত গা ধুবলৈ গৈ বাঢ়নী পানীত উটি যোৱাৰ সন্দেহ এজন যুৱক ।

উল্লেখ্য যে, স্মশানত এজন মৃতকৰ সৎকাৰ কৰি কামপুৰ ৰাজহ চক্ৰৰ অন্তৰ্গত বৰকলা হাৰিয়া দলঙৰ সমীপত নদীত গা ধুবলৈ আহিছিল এজন যুৱক ৷ যুৱক জনৰ নাম চিংকু বৰদলৈ । কিন্তু গা ধুবলৈ নমাৰ পিছতেই যুৱক জনক নেদেখি হুৱাদুৱা লাগে স্থানীয় লোক সকলৰ ৷ ইতিমধ্যে গাঁৱৰ ৰাইজে ততালিকে যুৱক জনক উদ্ধাৰ কৰিবলৈ নৈ খনত উদ্ধাৰ অভিযান চলায় ৷ কিন্তু বহু সময় উদ্ধাৰ অভিযান চলায় যদিও যুৱক জনৰ কোনো সন্ধান উলিয়াব পৰা নোৱাৰিলে উদ্ধাৰকাৰী ৰাইজে ৷ ইতিমধ্যে যুৱক জন নৈ খনৰ বাঢ়নী পানীত উটি যোৱা বুলি সন্দেহ প্ৰকাশ কৰিছে ৰাইজে । অৱশেষত গাঁৱৰ মহিলা সকলে নদীৰ কাষত চাকি-বন্তি, ধূপ জ্বলাই যুৱক জনৰ উদ্ধাৰৰ বাবে প্ৰাৰ্থনা কৰিছে |

লগতে পঢ়ক- বৰপানী নৈৰ বানত গৃহহাৰা কামপুৰৰ কেইবাটাও পৰিয়াল