নগাঁও, 10 মাৰ্চ : ৰাজ্যত সক্ৰিয় হৈ উঠিছে খাৰুৱা তেলৰ চুৰি চক্ৰ । শেহতীয়াকৈ নগাঁৱত সংঘটিত হৈছে তেল চুৰিকাণ্ড ৷ বৃহস্পতিবাৰে আৰক্ষী বিষয়া ধ্ৰুৱ বৰাই নেতৃত্ব দিয়া নগাঁও আৰক্ষীয়ে অভিযান চলাই তেল চুৰিত জড়িত থকা চাৰিজনকৈ লোকক আটক কৰে (Oil thieves gang arrested by Nagaon police) ৷
জানিব পৰা মতে, বিগত 25 ফেব্ৰুৱাৰীত নগাঁৱৰ কৃষ্ণাইঘাটৰ পথাৰৰ পৰা তেল পৰিবাহী পাইপ কাটি তেল চুৰি কৰিছিল এটা তেল চুৰি চক্ৰই (Oil theft in Nagaon) ৷ এই ঘটনা সন্দৰ্ভত নগাঁও আৰক্ষীয়ে এক গোচৰ ৰুজু কৰি তদন্ত আৰম্ভ কৰিছিল ৷ পিছে ঘটনাৰ পষেক নৌহওঁতে নগাঁৱৰ প্ৰণৱ শইকীয়া নামৰ এজন লোকৰ সহযোগত উজনি অসমৰ এটা চক্ৰই কৃষ্ণাইঘাটৰ তেল চুৰি ঘটনাত জড়িত থকাৰ তথ্য লাভ কৰি নগাঁও আৰক্ষীয়ে অভিযান আৰম্ভ কৰি তিনিচুকীয়াৰ পৰা চাৰিজনক আটক কৰে ৷