ৰহাৰ পথাৰতে হঠাতে নামিল এখন হেলিকপ্টাৰ

ৰহাৰ পথাৰতে হঠাতে নামিল এখন হেলিকপ্টাৰ ৷ ৰহাত বুধবাৰে পুৱা জৰুৰী অৱতৰণ কৰে বায়ু সেনাৰ এখন হেলিকপ্টাৰে ৷ যান্ত্ৰিক বিজুতি ঘটাৰ বাবেই বায়ুসেনাৰ বিমানখনে জৰুৰী অৱতৰণ কৰিবলৈ বাধ্য হয় ৷ হেলিকপ্টাৰ চাবলৈ ৰাইজৰ লৰা-ঢপৰা লাগে ৷ কথমপি প্ৰাণ ৰক্ষা পৰে পাইলট সহ চাৰিজন বায়ুসেনাৰ বিষয়াৰ ৷ ডিমাপুৰৰ পৰা শ্বিলং অভিমুখে আহি আছিল হেলিকপ্টাৰখন ৷

ৰহা,8মে': ৰহাৰ সমীপৰ আমচৈৰ বৰবৰীত বুধবাৰে পুৱা জৰুৰী অৱতৰণ কৰে বায়ু সেনাৰ এখন হেলিকপ্টাৰে । কথমপি প্ৰাণ ৰক্ষা পাইলট সহ চাৰিজন বায়ুসেনাৰ বিষয়াৰ । যান্ত্ৰিক বিজুতি ঘটাৰ বাবেই বায়ুসেনাৰ বিমানখন জৰুৰী অৱতৰণ কৰিবলগীয়া হয় ৷ ইপিনে ডিমাপুৰৰ ৰঙাপাৰাৰ পৰা শ্বিলং অভিমুখে আহি আছিল হেলিকপ্টাৰখন । কিন্তু মাজবাটতে যান্ত্ৰিক বিজুতি ঘটাৰ বাবে আমচৈৰ বৰবৰীৰ এখন পথাৰতে অৱতৰণ কৰিবলৈ বাধ্য হয় বায়ুসেনাৰ হেলিকপ্টাৰখন ৷ স্থানীয় লোকৰ মতে হেলিকপ্টাৰখনে জৰুৰী অৱতৰণৰ সময়ত সৌভাগ্যক্ৰমে এটা ঘৰত খুন্দা মৰাৰ পৰা ৰক্ষা পৰে ৷ ইতিমধ্যে হেলিকপ্টাৰখনৰ উদ্ধাৰৰ বাবে ঘটনাস্থলীত উপস্থিত হৈছে বায়ু সেনাৰ আন এক হেলিকপ্টাৰ ।