নগাঁও, 11 অক্টোবৰ : নগাঁৱৰ কঠিয়াতলী পেট্ৰ'ল পাম্পৰ গুলীচালনা সন্দৰ্ভত পোহৰলৈ আহিছে বিস্ফোৰক তথ্য ৷ ঘটনা সংঘটিত হোৱাৰ 12 ঘন্টাৰ ভিতৰতে আৰক্ষীয়ে আটক কৰিবলৈ সক্ষম হৈছে মূল অভিযুক্তক ৷ আৰক্ষীৰ জেৰাত বিস্ফোৰক স্বীকাৰোক্তি প্ৰদান কৰিছে পেট্ৰ'ল পাম্পৰ কৰ্মচাৰী ইলিয়াছ উদ্দিনে ৷ নগাঁও জিলা আৰক্ষী অধীক্ষক শংকৰ ব্ৰত ৰায় মেধিয়ে আৰম্ভ কৰা তদন্তত সমগ্ৰ আক্ৰমণৰ পৰিকল্পনা নিজে কৰা বুলি স্বীকাৰ কৰিছে ইলিয়াছে ৷ ঘটনাত জড়িত থকাৰ সন্দেহত আৰক্ষীয়ে আন চাৰিজনক সোধপোছ কৰি থকাৰ লগতে গুলীচালনা সংঘটিত কৰা ডকাইতৰ বিৰুদ্ধেও অব্যাহত ৰাখিছে অভিযান ।
কঠিয়াতলী কাণ্ডৰ মূল অভিযুক্তক আটক