চামগুৰি, 8 ছেপ্তেম্বৰ : আজি সুধাকণ্ঠ ড৹ ভূপেন হাজৰিকাৰ জন্মদিন । সমগ্ৰ ৰাজ্যৰ লগতে নগাঁৱৰ পুৰণিগুদাম বাসীয়েও এই বিশেষ দিনটো পুৱাৰে পৰা অতি উলহ-মালহেৰে উদযাপন কৰা পৰিলক্ষিত হৈছে ।
পুৰণিগুদামৰ একমাত্ৰ ঐতিহ্যপূৰ্ণ সংগ্ৰহালয় "কলং কলা কেন্দ্ৰ"টো ভাৰত ৰত্ন হাজৰিকা দেৱৰ ওপজা দিনটো কাহিলী পুৱাৰে পৰা বিশেষ কাৰ্যসূচীৰ মাজেৰে অনুষ্টুপীয়াকৈ উদযাপন কৰিছে স্বতাধিকাৰী চিত্তৰঞ্জন বৰাই ।
'কলং কলা কেন্দ্ৰ' ত সংৰক্ষিত হৈ আছে ড৹ ভূপেন হাজৰিকা স্মৃতি বিজড়িত বহু কেইপদ সমল
কাৰণ এই বিশেষ সংগ্ৰহালয়টোতে সংৰক্ষিত হৈ আছে অসমীয়াৰ হিয়াৰ আমঠু ভূপেন হাজৰিকা স্মৃতি বিজড়িত বহু কেইপদ সমল । তাৰ ভিতৰত অন্যতম হৈছে হাজৰিকা দেৱৰ জীৱিত কালতে কুমাৰ মাটিত ওপৰত আহৰণ কৰা স্বাক্ষৰ সম্বলিত পদচিহ্ন ।