কংগ্ৰেছৰ শোচনীয় পৰাজয়ত দুখী গৌৰৱ

কলিয়াবৰত বিজয় নিশ্চিত হোৱাৰ পিছতে নগাঁৱৰ বালিকা উচ্চতৰ মাধ্যমিক বিদ্যালয় ভোট গণনা কেন্দ্ৰত উপস্থিত গৌৰৱ গগৈ ।

কলিয়াবৰ, 23 মে’: বৃহস্পতিবাৰে সন্ধিয়া নগাঁৱৰ বালিকা উচ্চতৰ মাধ্যমিক বিদ্যালয় ভোট গণনা কেন্দ্ৰত উপস্থিত হয় গৌৰৱ গগৈ ৷

নিজৰ বিজয়ত সুখ প্ৰকাশ যদিও ৰাষ্ট্ৰীয় পৰ্যায়ত কংগ্ৰেছ দলৰ শোচনীয় পৰাজয়ত দুখ প্ৰকাশ গৌৰৱ গগৈৰ ৷ নিজে পৰাজয়বৰণ কৰি যদি ৰাষ্ট্ৰীয় পৰ্যায়ত কংগ্ৰেছ দল জয় হ’ল হেতেন তেন্তে বেছি আনন্দিত হ’লো হয় বুলি সংবাদ মাধ্যমৰ আগত মন্তব্য গৌৰৱ গগৈৰ । ইপিনে কংগ্ৰেছ দলৰ পৰাজয়ৰ পিচতেই নতুন চিন্তাৰে দলটো আগুৱাই নিয়াৰ পোষকতা গৌৰৱ গগৈৰ । লগতে বিজেপিক ৰাইজৰ হৈ অধিক কাম কৰিবলৈ আহ্বান গৌৰৱৰ ।