নিচাজাতীয় সামগ্ৰীসহ আটক যুৱক

নিচাজাতীয় সামগ্ৰীয়ে এতিয়া ছানি ধৰিছে ছাত্ৰ সমাজক ৷ যোৰহাটৰ ভিন্ন অঞ্চলত বৃদ্ধি পাইছে নিচাযুক্ত দ্ৰব্যৰ অবাধ প্ৰচলন ৷ সোমবাৰে নিশা পাঁচজন ছাত্ৰ লগতে এটা ভাড়াঘৰৰ পৰা উদ্ধাৰ হোৱা নিচাজাতীয় দ্ৰব্যই এতিয়া চিন্তিত কৰি তুলিছে সচেতন মহলক ৷

যোৰহাট, 2 এপ্ৰিলঃ ক্ৰমাত যোৰহাটৰ ভিন্ন অঞ্চলত বৃদ্ধি পাইছে নিচাযুক্ত দ্ৰব্যৰ প্ৰচলন ৷ সোমবাৰে নিশা প্ৰায় 10 মান বজাত স্থানীয় ৰাইজৰ তৎপৰতাত আৰক্ষীয়ে আটক কৰে পাঁচজনকৈ যুৱকক ৷ উল্লেখ্য যে, চহৰখনৰ শংকৰপুৰত এটা ভাড়াঘৰৰ কোঠাত তালাচী চলাই উদ্ধাৰ কৰে কেতবোৰ নিচাজাতীয় সামগ্ৰী ৷ এই সামগ্ৰী খিনিৰ লগতে আৰক্ষীয়ে পাঁচজনকৈ ছাত্ৰক আটক কৰি গড়মূৰ আৰক্ষী চকীত হাজিৰ কৰে ৷ ইফালে, শিক্ষাগ্ৰহণ কৰিবলৈ মাজুলী, গোলাঘাট, নাজিৰাৰ পৰা অহা এই ছাত্ৰকেইজনৰ কোঠাত নিচাজাতীয় দ্ৰব্যৰ লগতে উদ্ধাৰ হোৱা বহু আপত্তিজনক বস্তুৱে চাঞ্চল্যৰ সৃষ্টি কৰিছে শংকৰপুৰত ৷