11 বজাৰ শীৰ্ষ দহটা বাতৰি:
এটা ফেচবুক পোষ্টক লৈ গোলাঘাটত চাঞ্চল্য । স্বামী, শহুৰ-শাহুৰ বিৰুদ্ধে এই ফেচবুক পোষ্ট । স্বামী গৃহত অকথ্য নিৰ্যাতনৰ পিছত এগৰাকী বোৱাৰীৰ এই ফেচবুক পোষ্ট । শহুৰ-শাহু আৰু স্বামীৰ বিৰুদ্ধে নিৰ্যাতনৰ অভিযোগ ।
আমগুৰিত যোৱা ৬টা বছৰেও সম্পূৰ্ণ নহ'ল দৰিদ্ৰ লোকৰ বাবে অহা ইন্দিৰা আৱাস যোজনাৰ গৃহ নিৰ্মাণৰ কাম ৷ ফলত ৰদ বতাহ বৰষুণৰ মাজতেই জীৱন অতিবাহিত কৰিবলগীয়া হৈছে ভুক্তভোগী পৰিয়ালটোৱে ৷
অসৎ গ্ৰাহকৰ বিৰুদ্ধে কলিয়াৰত অসম শক্তি বিতৰণ নিগমৰ অভিযান ৷ বক্ৰ পথেৰে বিদ্যুৎ ব্যৱহাৰ কৰা গ্ৰাহকৰ বিৰুদ্ধে শক্তি প্ৰদৰ্শন শক্তি বিভাগৰ ৷ অসৎ গ্ৰাহকক ৰেহাই নিদিয়াৰ সংকল্প লৈছে শক্তি বিভাগে ৷
সাধাৰণ বৰষুণতে বঙাইগাঁও শোধনাগাৰ (Bongaigaon refinery)ৰ ৩০ মিটাৰ দেৱাল (Boundary wall) খহি পৰে । কথমপি ৰক্ষা পৰে বহু পথচাৰী । শোধনাগাৰ কৰ্তৃপক্ষৰ অৱহেলাৰ বাবেই এই ভয়ংকৰ ঘটনা সংঘটিত হোৱা বুলি অভিযোগ কৰিছে স্থানীয় ৰাইজে ৷
ডিব্ৰুগড় জিলাত পুনৰ সংঘটিত সতীৰ্থ যুৱতী চিকিৎসকক ধৰ্ষণৰ চাঞ্চল্যকৰ ঘটনা ৷ অসম চিকিৎসা মহাবিদ্যালয়ৰ এগৰাকী চিকিৎসকৰ বিৰুদ্ধে উত্থাপিত হৈছে এই অভিযোগ ৷ ইতিমধ্যে অভিযুক্ত চিকিৎসক গৰাকীক গ্ৰেপ্তাৰ কৰি জেললৈ প্ৰেৰণ কৰিছে আৰক্ষীয়ে ৷
ৰাজ্য চৰকাৰৰ বিৰুদ্ধে বঞ্চনাৰ অভিযোগ উত্থাপন কৰি সংবাদ মেল সম্বোধন সদৌ অসম সুলভ মূল্যৰ ব্যৱসায়ী সন্থাৰ ৷ সুলভ মূল্যৰ ব্যৱসায়ী সকলক চৰকাৰে 725 কোটি 91 লাখ 69 হেজাৰ 846 টকা আদায় কৰিবলৈ বাকী থকাৰ অভিযোগ সদৌ অসম সুলভ মূল্যৰ ব্যৱসায়ী সন্থাৰ ৷
ৰাজ্যত খালী হৈ আছে প্ৰায় ৮০ হাজাৰ খালী পদ ৷ নিযুক্তি প্ৰক্ৰিয়াৰ প্ৰাৰম্ভিক কাম-কাজৰ ক্ষীপ্ৰ ৰূপায়নৰ বাবে মুখ্য সচিবৰ তত্বাৱধানত এখন ক’ৰ কমিটি গঠন ৷ পূৰণ কৰিবলগীয়া খালী পদৰ হিচাপ আৰু নতুনকৈ সৃষ্টি কৰিবলগীয়া পদসমূহৰ হিচাপ বিভাগসমূহক অহা ৪ দিনৰ ভিতৰত বিত্ত বিভাগত জমা দিবলৈ বিত্তমন্ত্ৰী অজন্তা নেওগৰ নিৰ্দেশ ৷
মঙলবাৰে উদালী চিকিৎসক নিগ্ৰহৰ ঘটনাৰ 34 গৰাকী অভিযুক্তৰ বিৰুদ্ধে আদালতত দাখিল কৰা হ'ব অভিযোগ নামা(chargesheet) ৷ সাংবাদিকৰ আগত এই কথা সদৰি কৰিছে বিশেষ আৰক্ষী সঞ্চালক প্ৰধান জি পি সিঙে ৷
সমগ্ৰ দেশৰ লগতে অসমতো ভয়াৱহভাৱে বৃদ্ধি পাইছে ছাইবাৰ অপৰাধ(Cyber Crime) জনিত ঘটনা ৷ এই ধৰণৰ ঘটনা হ্ৰাস কৰাৰ উদ্দেশ্যে অসম আৰক্ষী(Assam Police)ত কৰা হৈছে নৱতম সংযোজন ৷ অৱলম্বন কৰিছে নতুন কৌশল ৷
ক'ভিড পৰিস্থিতি নিয়ন্ত্ৰণলৈ আনিবলৈ ৰাজ্যৰ স্বাস্থ্য বিভাগ তথা চৰকাৰে অহৰহ চেষ্টা চলাই আছে ৷ লগতে ক'ভিডৰ তৃতীয় ঢৌৰ সৈতে মুখামুখি হ’বলৈ ৰাজ্যৰ স্বাস্থ্য বিভাগ সম্পূৰ্ণ প্ৰস্তুত হৈ আছে ৷ নগাঁৱত উপস্থিত হৈ এই মন্তব্য কৰিছে স্বাস্থ্যমন্ত্ৰী কেশৱ মহন্তই ৷
