ৰত্নাকৰৰ সফলতাৰ পাচত ইটিভি ভাৰতৰ সৈতে নিশিতা গোস্বামীৰ সাক্ষাৎকাৰ

ৰত্নাকৰ ছবিৰ সফলতাৰ পিছত ছবিখনৰ নায়িকা নিশিতা গোস্বামীৰ অনুভৱ কেনেকুৱা ৷ ৰত্নাকৰ ছবিৰ পাছত কি নতুন কাম হাত লৈছে অভিনেত্ৰীগৰাকীয়ে ? ছবিখন চোৱা দৰ্শকে ফোন কৰি কি কয় ছবিৰ নায়িকাক ? ছবিখনৰ বাবে কেনেকৈ কি পৰিস্থিতিত প্ৰস্তাৱ লাভ কৰিছিল সকলো কথা ক’লে নিশিতাই..

গুৱাহাটী,18 অক্টোবৰ:ৰত্নাকৰৰ সফলতাৰ পিচতেই অসমীয়া ছবি জগতৰ উদ্যোগলৈ যেন উভতি আহিছে সোণালী দিন ৷ ছবিখনৰ উপাৰ্জনে এতিয়া সকলোকে আপ্লুত কৰিছে। দৰ্শকৰ সঁহাৰিয়ে অসমীয়া ছবি জগতৰ লগত জড়িত প্ৰতিজন শিল্পী তথা পৰিচালক,অভিনেতা অভিনেত্ৰী সকলোকে নতুন কাম কৰাৰ উৎসাহ জগাইছে বুলি উল্লেখ কৰে অভিনেত্ৰীগৰাকীয়ে ।

এই সন্দৰ্ভত ইটিভি ভাৰতৰ সৈতে নিশিতা গোস্বামীয়ে ব্যক্ত কৰিলে মনৰ অনুভৱ। কঠিন পৰিস্থিতত এমাহ ধৰি শ্বিলঙত শ্বুটিং কৰিবলগীয়া হৈছিল যাৰ বাবে স্বামীৰ পৰা নিজ কণমানি পুত্ৰক ধন্যবাদ জ্ঞাপন কৰে নিশিতা গোস্বামীয়ে ৷

বৰ্তমান অভিনেত্ৰী বৰ্ষাৰাণী বিষয়াৰ সৈতে বিহু আৰু সত্ৰীয়া নৃত্যক আন্তঃৰাষ্ট্ৰীয় পৰ্যায়ত দাঙি ধৰিবলৈ এক প্ৰচেষ্টা হাতত লৈছে বুলি জানিবলৈ দিয়ে অভিনেত্ৰীগৰাকীয়ে।

লগতে চাওক: প্ৰথমটো সপ্তাহত ৰত্নাকৰৰ উপাৰ্জন 3.31 কোটি টকা