নিউজ ডেস্ক, 4 ডিচেম্বৰঃ বুধবাৰে মোদীৰ কেবিনেটত গৃহীত হ'ল নাগৰিকত্ব সংশোধনী বিধেয়ক ৷ গৃহমন্ত্ৰীৰ সমুখত সদৌ অসম ছাত্ৰ সন্থাকে ধৰি 9 জাতীয় সংগঠনে কেব বিৰোধী স্থিতিত অটল হৈ থকাৰ পাছতো ৰাইজৰ প্ৰতিবাদ বুজি নোপোৱা মোদী চৰকাৰৰ কেবিনেটে গৃহীত কৰিলে কেব ৷ ইয়াৰ পাছতে বুধবাৰে প্ৰতিবাদত উত্তাল হৈ পৰিল ৰাজ্যৰ বিভিন্ন প্ৰান্ত ৷ ৰাজ্যৰ উজনি নামনি সৰ্বতে কেবৰ বিৰুদ্ধে তীব্ৰ প্ৰতিবাদ সাব্যস্ত কৰিলে আছু, জাতীয়তাবাদী যুৱ ছাত্ৰ পৰিষদকে ধৰি আন বিভিন্ন জাতীয় দল সংগঠনে ৷
ডিব্ৰুগড়ত এসময়ত নিজ ৰাজনৈতিক জীৱনৰ পাতনি মেলা ডিব্ৰুগড় বিশ্ববিদ্যালয়তে মুখ্যমন্ত্ৰী তথা বিশ্ববিদ্যালয়ৰ ছাত্ৰ একতা সভাৰ প্ৰাক্তন সাধাৰণ সম্পাদক সৰ্বানন্দ সোণোৱালৰ প্ৰতিকৃতি দাহ কৰিলে বিশ্ববিদ্যালয়ৰ ছাত্ৰ-ছাত্ৰীসকলে ৷ লগতে বিশ্ববিদ্যালয়ৰ সন্মুখত ৩৭ নং ৰাষ্ট্ৰীয় ঘাইপথ অৱৰোধ কৰি দাহ কৰিলে কেব আনি অসমীয়াক ধংস কৰিব খোজা বহুবল্কী মন্ত্ৰী হিমন্ত বিশ্ব আৰু ক্ষমতাৰ ৰাগীত জাতি বিক্ৰী কৰা অগপৰ মন্ত্ৰী অতুল বৰা, কেশৱ মহন্ত আৰু ফণীভূষণ চৌধুৰীৰ প্ৰতিকৃতি ৷
সমান্তৰালভাৱে ৰাজ্যৰ আন প্ৰান্তটো সদৌ অসম ছাত্ৰ সন্থা, অসম জাতীয়তাবাদী যুৱ ছাত্ৰ পৰিষদৰ লগতে আন আন জাতীয় দল-সংগঠনৰ নেতৃত্বত জাতিধংসী বিধেয়কৰ বিৰুদ্ধে ওলাই আহিল ৰাইজ ৷ মহানগৰীত বিধেয়ক বাতিলৰ দাবীত ছহিদ ন্যাসত প্ৰধানমন্ত্ৰী নৰেন্দ্ৰ মোডী আৰু গৃহমন্ত্ৰী অমিত শ্বাহৰ প্ৰতিকৃতি দাহ কৰি আছুৱে সাব্যস্ত কৰিলে তীব্ৰ প্ৰতিবাদ ৷ ইফালে নাৰেংগীটো কোনো কাৰণত কেব মানি নোলোৱাৰ হুংকাৰৰে অসম জাতীয়তাবাদী যুৱ ছাত্ৰ পৰিষদে সাব্যস্ত কৰিলে তীব্ৰ প্ৰতিবাদ ৷ একেদৰে যোৰহাটতো কেবৰ বিৰুদ্ধে ৰাজপথলৈ ওলাই আহিল কংগ্ৰেছৰ ছাত্ৰ সংগঠন এন এছ ইউ আই ৷
গোলাঘাটতো নাগৰিকত্ব সংশোধনী বিধেয়ক বাতিলৰ দাবীত উপায়ুক্ত কাৰ্য্যালয়ৰ সন্মুখত ৩ ঘণ্টীয়া বিক্ষোভ কাৰ্যসূচী ৰূপায়ণ কৰে আছুৱে৷ মেৰাপানীত নৰেন্দ্ৰ মোদী গ বেক,সৰ্বানন্দ সোণোৱালৰ লাজ নাই, কেব বাতিল কৰক ধ্বনিৰে আছুৱে উত্তাল কৰি তুলিলে গোলাঘাটৰ আকাশ বতাহ ৷ ঠিক সেইদৰে বাক্সাৰ তামুলপুৰ, নলবাৰী, সৰুপথাৰ, টিহু, লখিমপুৰ, জামুগুৰি, গড়গাঁও, তিনিচুকীয়াত, আছুৰ নেতৃত্বত কেবৰ বিৰুদ্ধে সাব্যস্ত কৰা হল উত্তাল প্ৰতিবাদ ৷ চৰকাৰক ছাত্ৰ সংগঠনটোৰ স্পষ্ট হুংকাৰ কেব বাতিল কৰক অন্যথা অসম আন্দোলনত কৈয়ো অধিক ভয়াবহ হব পৰিস্থিতি৷ এই সন্দৰ্ভত চাও আহক আমাৰ এক বিশেষ প্ৰতিবেদন ৷
কেবিনেটত গৃহীত কেব: প্ৰতিবাদত জ্বলিছে ৰাজ্য আৰু পঢ়কঃ কেব গৃহীত হোৱাৰ পাচতহে পদক্ষেপ গ্ৰহণ কৰিব অসম গণ পৰিষদে !
