2019 হৈছে মোডীৰ শ্মশান যাত্ৰা : তৰুণ গগৈ

নিৰ্বাচনী আচৰণ বিধি উলংঘা কৰি বিজেপিয়ে ধৰ্মৰ নামত ভোট ভিক্ষা কৰাৰ অভিযোগ প্ৰাক্তন মুখ্যমন্ত্ৰী তৰুণ গগৈৰ ৷ ইয়াৰ বিৰুদ্ধে নিৰ্বাচন আয়োগৰ ওচৰ চাপিব কংগ্ৰেছ দল ৷

গুৱাহাটী, 20 এপ্ৰিল : 2014 আছিল প্ৰধানমন্ত্ৰী মোডীৰ জয়যাত্ৰা আৰু 2019 হৈছে মোডীৰ শ্মশান যাত্ৰা ৷ প্ৰধানমন্ত্ৰী নৰেন্দ্ৰ মোডীৰ জনপ্ৰিয়তা কমি আহিছে ৷ ধনবল বাহুবলেৰে, সাম্প্ৰদায়িকতাৰ বীজ ৰোপন কৰি দেশৰ ঐক্য-সংহতি ৰক্ষা কৰাত ব্যৰ্থ হৈছে ৷ নিৰ্বাচনী আচৰণ বিধি উলংঘা কৰি বিজেপিয়ে ধৰ্মৰ নামত ভোট ভিক্ষা কৰিছে ৷ বুধবাৰে সংবাদমেলযোগে এই মন্তব্য কৰে প্ৰাক্তন মুখ্যমন্ত্ৰী তৰুণ গগৈয়ে ৷

ইপিনে ধৰ্মৰ নামত ভোট ভিক্ষা কৰা বিজেপি নেতৃত্বৰ বিৰুদ্ধে কংগ্ৰেছ নিৰ্বাচন আয়োগৰ ওচৰ চাপিব বুলি উল্লেখ কৰি সন্ত্ৰাসবাদ নিয়ন্ত্ৰণৰ কথা কোৱা বিজেপিয়ে বোমা বিস্ফোৰণত অভিযুক্ত এগৰাকী প্ৰাৰ্থীক ভূপালত টিকট প্ৰদান কৰিছে বুলিও মন্তব্য কৰে প্ৰাক্তন মুখ্যমন্ত্ৰীগৰাকীয়ে ৷