5 বজাৰ শীৰ্ষ 10 টা বাতৰি

5 বজাৰ শীৰ্ষ 10 টা বাতৰি

আজি বিশ্ব পৰিৱেশ দিৱস (World Environment Day) ৷ ৰাজ্যৰ বিভিন্ন প্ৰান্তৰ অনুষ্ঠান-প্ৰতিষ্ঠানত পালন কৰা হৈছে পৰিৱেশ দিৱস (World environment day celebrated in Assam) ৷ কলিয়াবৰত 'শ্যামলী কলিয়বৰ' শীৰ্ষক গছপুলি ৰোপন কাৰ্যসূচীৰ শুভাৰম্ভণি স্বাস্থ্যমন্ত্ৰী কেশৱ মহন্তৰ ৷

মুখ্যমন্ত্ৰীৰ বাহনৰ পৰাই চোৰে উঠাই নিলে মিউজিক চিষ্টেম (Thief in CMs escort car) ৷ মিনিষ্টাৰ কলনীত সংঘটিত হ’ল এই ঘটনা ৷ চুৰিকাণ্ড সংঘটিত সষ্টম হৈ পৰে আৰক্ষী ৷ এই পৰ্যন্ত গ্ৰেপ্তাৰ কৰা হৈছে চুৰিকাণ্ডৰ লগত জড়িত এজনক ৷

কোকৰাঝাৰ গুলীচালনা ঘটনাত জড়িত থকাৰ সন্দেহত দুজন যুৱকক আৰক্ষীয়ে আটক কৰিছে (Two detained on Kokrajhar firing case)। এজন কেএলঅ'ৰ (KLO) সদস্য বুলি আৰক্ষীৰ সূত্ৰত প্ৰকাশ পাইছে । সম্প্ৰতি যুৱক দুজনক আৰক্ষীয়ে জেৰা অব্যাহত ৰাখিছে । শনিবাৰে নিশা দুৰ্বৃত্তৰ গুলীত আঘাতপ্ৰাপ্ত হৈছিল এজন ব্যৱসায়ী ।

শেহতীয়াকৈ সৰ্বত্ৰে তোলপাৰ লগোৱা অসমৰ পিপিই কীট কেংলেকাৰীৰ তদন্ত বিচাৰিছে দিল্লীৰ উপ-মুখ্যমন্ত্ৰী তথা শিক্ষামন্ত্ৰী মণীষ ছিছোদিয়াই ৷ হিমন্ত বিশ্ব শৰ্মাৰ পত্নীৰ কোম্পানী, ল'ৰাৰ কোম্পানীৰ প্ৰসংগতো বিস্ফোৰক মন্তব্য দিল্লীৰ উপ-মুখ্য়মন্ত্ৰীগৰাকীৰ ৷

ডিব্ৰুগড় বিশ্ববিদ্যালয়ত ছাত্ৰ-ছাত্ৰীৰ মাজত এটা দিন পাৰ কৰিলে অৱসৰপ্ৰাপ্ত আই পি এচ বিষয়া ড° কিৰণ বেদীয়ে ৷ বিশ্ববিদ্যালয়ত On grooming leadership' বিষয়ত ভাষণ প্ৰদান কৰাৰ লগতে ছাত্ৰ-ছাত্ৰীৰ সৈতে মত বিনিময় কৰে (Kiran Bedi interacts with student) ৷

কাৰ্বি আংলং স্বায়ত্ব শাসিত পৰিষদৰ নিৰ্বাচনলৈ মাজত মাত্ৰ তিনি দিন বাকী । তেনে সময়তে বোকাজানৰ বালিপথাৰত বিজেপিৰ কাৰ্যালয় নিশা দুৰ্বৃত্তই অগ্নিসংযোগ কৰে (Miscreants burn BJP office in Karbi Anglong)। ঘটনাস্থলীত উপস্থিত হৈ দুৰ্বৃত্তক সকীয়নি বিধায়ক নোমল মমিনৰ ।

শনিবাৰে নগাঁৱৰ কলিয়াবৰত অগপ দলে অনুষ্ঠিত কৰে 'বৰ্দ্ধিত কাৰ্যনিৰ্বাহক সভা' (Enhanced Executive Meeting of AGP in Kaliabor)। এই সভাতে কংগ্ৰেছ দলৰ বহু কৰ্মীয়ে যোগদান কৰে অগপত । দলৰ সাংগঠনিক ভেটি শক্তিশালী কৰাৰ উদ্দেশ্যে অগপই গ্ৰহণ কৰিছে বিভিন্ন পদক্ষেপ । মন্ত্ৰীসভা সম্প্ৰসাৰণক লৈ প্ৰতিক্ৰিয়া প্ৰকাশ অগপৰ জ্যেষ্ঠ নেতাসকলৰ ।

SI জোনমণি ৰাভাক নিলম্বন (Suspension of SI Junmoni Rabha)। প্ৰৱঞ্চনাৰ গোচৰত অভিযুক্ত আছিল জোনমণি ৰাভা । মাজুলী আৰক্ষীয়ে গ্ৰেপ্তাৰ কৰিছিল জোনমণি ৰাভাক । তাৰ পিছতেই নগাঁও আৰক্ষীয়ে নিলম্বন কৰিছে জোনমণি ৰাভাক ।

ত্ৰিপুৰা আৰক্ষীৰ আজৱ কাণ্ড । আৰ এছ এছৰ মহিলাক প্ৰশিক্ষণ দিবলৈ পশ্চিম ত্ৰিপুৰা আৰক্ষীয়ে প্ৰেৰণ কৰিলে কনিষ্টবলক (Tripura police constable instructed to train RSS women)। বিজেপিৰ প্ৰতি পক্ষপাতিত্বমূলক আচৰণ কৰাৰ অভিযোগ আৰক্ষী অধীক্ষকৰ বিৰুদ্ধে । মুখ্য সচিবলৈ চিপিআই (এম) দলে পত্ৰযোগে আৰক্ষী অধীক্ষকৰ বিৰুদ্ধে ব্যৱস্থা গ্ৰহণ কৰিবলৈ আহ্বান জনায় ।

"মণীষভাই, আপুনি নিজকে 'দুৰ্নীতি বিৰোধী' আন্দোলনৰ নেতা বুলি দাবী কৰে । ক'ভিডৰ সময়ত যেতিয়া অসমৰ হাতত এটাও পি পি ই কিট নাছিল, অসম চৰকাৰে এটা পি পি ই কিটৰ বাবে হাহাকাৰ কৰিবলগীয়া হৈছিল, সেই সময়ত মোৰ পত্নীয়ে বহু কষ্ট আৰু চেষ্টাৰ বলত কিছু PPE Kit দিছিল আৰু সাধাৰণ লোকৰ জীৱন ৰক্ষা কৰিছিল । ইয়াৰ বিনিময়ত কোনোধৰণৰ ধনৰ লেনদেন হোৱা নাছিল । তেন্তে ইয়াত দুৰ্নীতিৰ প্ৰশ্ন আহিল কেনেকৈ ? "